【迷信面相】見家長獲未來奶奶讚有禮貌識做人　卻因平凡外貌特徵被扣分

初次跟另一半家人見面，總想令對方留個好印象，不過原來即使表現得滿分，還是有自己不能掌握的因素，導致印象分大減。一名女網民日前在網上發文表示，早前跟男朋友家人吃飯，自問表現得體，禮數做足，不過未來奶奶無緣無故不太喜歡她。

Photo from MamiDaily

自問見家長表現良好

該名女網民在香港討論區以「男朋友媽咪唔中意我嘅原因係我面相出事… 」為題發文，指日前跟男朋友的家人吃飯，初次見面自問表現良好「有禮貌食完飯有幫手執嘢」，登門造訪也有「買少少嘢上去」。惟男朋友的媽媽始終不太喜歡她，樓主和男友都不知原因。

Photo from MamiDaily

最初樓主以為是因為「我做得唔夠好或者買嘅嘢唔啱auntie心水」，但有一次男朋友偷聽到父母聊天提起樓主，才真相大白。原來未來奶奶對樓主的印象其實的確不差，認為她「又有禮貌又識做人」，可是卻只有75分滿意。

未來奶奶批面相不佳

正當男友爸爸也好奇，為何「講到份人咁好都唔滿意」時，未來奶奶稱是因為門牙唔齊。她指「面相學嚟講佢咪唔算最好囉！聽啲人講，門牙代表父母，男左女右唔齊個邊係講緊個人古怪咁解，右邊唔齊咪即係佢媽咪份人好古怪囉！有其母必有其女，點知佢會唔會都係咁古怪架？」

Photo from MamiDaily

樓主對於自己因為面相原因而不能獲滿分感到相當無奈，又認為其母親為人並不古怪，「係有時諗嘢好跳tone啫，咁都算古怪？」她又質疑未來奶奶的理論是否可信，反問「如果箍咗牙我媽咪就會變唔古怪架啦？面相學真係重要過個人品？」

Photo from BB來了劇照

網民紛紛留言指奇怪的是未來奶奶，「咁都有得挑，第日嫁咗過去仲有排受」、「好想知男朋友右邊門牙係唔係都唔齊」。也有人認為「揀男友要揀埋佢家人，如是麻煩人，你揀過第二個家人無咁麻煩嘅重好，我嘅經驗之談」、「男朋友阿媽實會有嘢睇我哋唔順眼」。

延伸閱讀：
【培育子女】家長認定運動出色讀書一定差　拒讓子女學運動被網民嘲膚淺
延伸閱讀：
【車廂飲食】理直氣壯讓小學兒子巴士上進食被投訴　媽媽不滿︰小朋友餓暈邊個負責？

Text：Mami Editorial
Source：香港討論區