【移民英國】夫婦移民老公想帶埋30歲叔仔同住　人妻被要求照顧起居飲食超委屈

By Louisa on 15 Jan 2023

Digital Editor

本港近年掀起移民潮，不少人都選擇跟親朋戚友選擇相近的落腳點，以方便照應。有人妻日前在討論區訴苦，稱目前與老公正籌備移民英國，惟對方想帶同30歲的細佬同住，更要求她照顧細佬的起居飲食，令人妻感到很委屈。

Photo from MamiDaily

老公要求帶細佬移英同住

該人妻日前在連登討論區發文，她跟老公結婚8年，二人目前沒有亦不打算生育，近日兩夫婦正計劃移民英國，然而老公指其細佬同樣想移民，於是兩兄弟便決定一起赴英，以便互相照應。事主稱：「我諗住係做鄰居果種，點知後來老公同我講，係想一齊住，仲要我煮埋飯佢食。」

Photo from MamiDaily

事主非常抗拒跟老公的細佬同住，她認為「我係嫁俾佢一個，唔係嫁埋俾佢細佬喎⋯同埋屋企有其他男人，始終唔方便。」可是老公卻認為兄弟姊妹關係一定要密切，互相照顧理所當然，更揚言「如果佢要喺家人同我之間揀，佢會揀家人。」令事主不禁質疑自己在老公心目中的地位，「言下之意，我唔係佢家人？唔係老婆先係最close？」

Photo from MamiDaily

人妻不願照顧細佬進退兩難

更令事主不忿的是，「如果係啲未成年小朋友，我覺得都應該照顧嘅，但咁大個人喎...」事主表示老公的細佬已年屆30，但看似沒有打算找人拍拖或結婚，認為對方根本就像個未成年的小朋友。若事主不願意照顧細佬，「奶奶就會為咗煮飯俾細佬，一齊移民（本來奶奶唔想移），咁就變咗4個人一齊住」，這只會牽涉婆媳糾紛，令情況更糟糕。

不滿老公重視家人多於自己

移民一事衍生出的夫妻問題，令事主非常傷心，「佢好專一，平時都算錫我，但一講到佢原生家庭，我永遠好似次一等咁」，事主認為老公一直未意識到已經獨立成家。她又提到移民一事，其實很多安排都不是細佬自己提出，但「老公已經幫佢諗埋」。事主不滿老公為細佬安排妥當，卻完全沒有顧慮過她的感受和意見，她絕望地說：「不如佢攬住原生家庭過世算啦，既然當我外人又同我結婚做咩呢？」

Photo from MamiDaily

帖文一出即引起熱議，不少網民建議事主要再跟老公商量，更著她要企硬，「將來同細佬住，一定有衝突，到時你老公都淨係照顧佢細佬，你一定唔好受」、「個細佬都唔多正常，冇錢自己住就唔好移民啦，佢呢刻冇能力要靠人，第時都會繼續痴飲痴食」。也有人認為比起移民，夫妻關係更需要正視，「我睇字Feel到你老公唔太愛你，愛一個人會Care對方感受，點解會嫁俾佢？」