【親子好去處】包羅萬有手作市集~細菌小子飛船電動車+駐站魔術師

【親子好去處】包羅萬有手作市集~細菌小子飛船電動車+駐站魔術師

爸媽分享 親子好去處 bloggers
By 龍鳯孖媽 on 09 Sep 2021

最近都忙於執屋搬屋, 所以都好少帶孖寶去玩。上月尾見冇落雨,決定帶龍鳳寶寶去一個免費入場嘅市集玩——錦莆手工藝市集。而且距離港鐵站只須5分鐘嘅路程,非常之方便,所以一帶二都冇問題。(不過又係唔好俾隊友知道我冇執屋走咗去玩。我係d考試前夕走去行街嘅人。)

貌似麵包超人的細菌小子架飛船,用手控制支棒就可以改變方向前行

多款電動車

電動車主要分兩款:

1.腳踏電動車,亦可以較向前或向後,配有唔多顏色供選擇,連粉紅色都有架。
2.貌似《麵包超人》細菌小子架飛船,用手控制支棒就可以改變方向前行。這款比較特別,平時較少見,而且造型好可愛呀~~

腳踏電動車,亦可以較向前或向後

收費:

40元10分鐘
(10分鐘內可自由換車,但請注意安全。)
(所以我哋兩款車都有玩啊~)

10分鐘內可自由換車,但請注意安全。

魔術表演

嘩~全香港真係冇乜幾多個場會有駐站魔術師,免費表演魔術同扭氣球送俾小朋友。
魔術師從囝囝件比卡超T-shirt 上嘅精靈球上變出支糖,之後喺手中再變多一支。
最後仲表演張支糖升起,
我囝囝仲喺食晚飯時表演返出嚟。

全香港真係冇乜幾多個場會有駐站魔術師,免費表演魔術同扭氣球送俾小朋友

魔術師從囝囝件比卡超T-shirt 上嘅精靈球上變出支糖,之後喺手中再變多一支

之後魔術師仲扭咗有手有腳有尾巴嘅比卡超氣球俾囝囝襯返件衫。
囡囡就有個白雪公主氣球,連白雪公主都扭到,好厲害呀。
臨走時仲送多支玫瑰花氣球俾囡囡。
魔術師仲扭咗有手有腳有尾巴嘅比卡超氣球,俾囝囝襯返件衫

駐集魔術師仲會提供場外魔術表演服務,
所以未必每日都喺市集。
但我哋當日好好彩呀~
可以一暏魔術師嘅風采。

我哋當日好好彩呀,可以一暏魔術師嘅風采

包羅萬有手作

有好多好多款手作工作坊,包括石卵手繪、手繪風鈴、韓國流沙匙扣、雪花沙畫、自繪索袋、天然彩米畫和動物燈籠等等。
檔主會不時更新款式,其實真係好多款,應有盡有!
價錢由二十元至一百多元不等,視乎款式。
款式亦要視乎當日供應。
有好多好多款手作工作坊,包括石卵手繪、手繪風鈴、韓國流沙匙扣

檔主會不時更新款式,其實真係好多款

囝囝做咗個青蛙燈籠。
囡囡整咗個心形匙扣。
導師都好有愛心和耐性。

導師都好有愛心和耐性,慢慢教小朋友。

囡囡整咗個心形匙扣,很滿意。

囝囝做咗個青蛙燈籠,十分開心

攤位遊戲

大約有十款嘅攤位遊戲玩,部份攤位更係檔主自己整架,充滿人情味。
有個較特別嘅迷你版冰壺和射鴨仔,但較適合年紀較大嘅小朋友。
年紀較小嘅可以玩吓掟波波和接雞蛋。

大約有十款嘅攤位遊戲玩,部份攤位更係檔主自己整

有個較特別嘅迷你版冰壺和射鴨仔,但較適合年紀較大嘅小朋友

年紀較小嘅,可以玩吓掟波波和接雞蛋

遊戲簡簡單單,小朋友感到滿足

市集上蓋有用網遮蔭,而且有強力風扇,所以冇咁曬同熱

我哋由下午四點玩到七點,小朋友仲未捨得走

廣告
廣告

可能會有蚊,請做足防蚊措施

玩完計分仲可換禮物。我哋換咗兩筆、一隻指環同埋兩份模型。

收費:

20元1張
90元5張
150元10張

玩完計分仲可換禮物。我哋換咗兩筆、一隻指環同埋兩份模型

 

月亮鞦韆

彎月可以當櫈仔坐打卡。
滿月嘅可以轉同搖,當鞦韆玩。
夜晚仲會發光。
#星空裡萬物在轉歷憶萬年

月亮鞦韆,彎月可以當櫈仔坐打卡。

滿月嘅可以轉同搖,當鞦韆玩。

隔離仲有個鐵塔同許願池。
(許願池只會喺星期六日開放俾大家放許願燈)

隔離仲有個鐵塔同許願池,只會喺星期六日開放俾大家放許願燈

小食店

旁邊仲有小食店售賣漢堡包、熱狗、薯條、燒賣同埋魚蛋等,仲有水果茶、汽水同啤酒。
旁邊提供有太陽傘嘅座位坐底可以慢慢享用。
話明市集,當然仲有商店售賣皮革、布袋、植物和同巴士有關嘅物品等等。

有小食店售賣漢堡包、熱狗、薯條、燒賣同埋魚蛋等,仲有水果茶、汽水同啤酒

後記

★檔主們都好熱情好客,感到滿滿嘅人情味,小朋友玩得好開心。
★我哋滿載而歸,帶咗好多禮物返屋企。
★我哋由下午四點玩到七點,小朋友仲未捨得走。
★當日因天雨關係,所以較少人。每日情況不同。
(亦請留意網上更新開放情況,可能會受天氣關係而有所影響)
★市集上蓋有用網遮蔭,而且有強力風扇,所以冇咁曬同熱。但仍建議自備防曬用品和風扇仔。
★可能會有蚊,請做足防蚊措施。另市集亦有提供免費自助蚊怕水,好貼心。
★市集內沒有洗手間,要到外面公廁或建議先喺港鐵站內先去廁所。
★小食店外牆有一個具有廣東文化色彩嘅字,有時港人會用作粗口字。所以我喺相中用公仔遮咗,孖寶年紀仲小未有發現。請自行判斷如何解答小朋友。

距離港鐵站只須5分鐘嘅路程,非常之方便

錦莆手工藝市集

前往方法:
錦上路C出口向右直行至紅綠燈位,過對面馬路向左直行至見到河流。河流旁邊有條路進入,穿過停車場就到入口。

錦上路C出口向右直行至紅綠燈位,過對面馬路向左直行至見到河流。

套票優惠:

Set A:
攤位遊戲 8張
薯條 1份
水果茶 1杯
碰碰車 1局
手工藝工作坊 1次
Set B:
攤位遊戲 10張
薯條 1份
水果茶 1杯
碰碰車 或 手工藝工作坊 1次(二選一)
每Set 200元~

錦莆手工藝市集,適合小朋友參與

現凡like 以下2個專頁~~
1) Little twin stars 龍鳳寶寶專頁:
https://www.facebook.com/Miss.swanswan
2) 錦莆手工藝市集 Kam Po Handmade Market
https://www.facebook.com/KamPoHandmadeMarket
於購票時出示已like兩個專頁,
即可以190元最抵價 購買以上套票!!
(優惠至到2021年9月30日)

延伸閱讀:

延伸閱讀:

Text & Photo : 龍鳯孖媽

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道

Share to Facebook
Our Facebook Videos
我們的 Facebook 影片
You may also like
你可能也喜歡
【郊遊好去處】獅子會自然教育中心農館全新開放! 遠離塵囂超寧靜!2歲BB都去得!
親子好去處
18 hours ago
【郊遊好去處】獅子會自然教育中心農館全新開放! 遠離塵囂超寧靜!2歲BB都去得!
【混血家庭】灌輸阿姨正念: 愛的敎育
爸媽分享
9 days ago
【混血家庭】灌輸阿姨正念: 愛的敎育
【有覺好眠】新冠變種病毒Omicron 迫近 5大建議助父母預防和應對嬰幼兒在「疫情爆發下的睡眠倒退」
爸媽分享
11 days ago
【有覺好眠】新冠變種病毒Omicron 迫近 5大建議助父母預防和應對嬰幼兒在「疫情爆發下的睡眠倒退」
【親子教養】「爸爸,你的人生有沒有困難?」
爸媽分享
13 days ago
【親子教養】「爸爸,你的人生有沒有困難?」
【育嬰貼士】未出牙仔BB都需要清潔口腔  防舌苔更培養一個重要習慣
爸媽分享
17 days ago
【育嬰貼士】未出牙仔BB都需要清潔口腔 防舌苔更培養一個重要習慣
全港7大士多啤梨自摘園推介! 免入場費+士多啤梨放題+親親小動物
親子好去處
18 days ago
全港7大士多啤梨自摘園推介! 免入場費+士多啤梨放題+親親小動物
Hottest Articles
最熱文章
【意外懷孕】 已結紮33歲媽媽意外懷上第5胎  疑誤用妹妹的「好孕棉」沾染孕氣?
mami熱話
18 hours ago
【意外懷孕】 已結紮33歲媽媽意外懷上第5胎 疑誤用妹妹的「好孕棉」沾染孕氣?
【驚人真相】新手爸媽向火車服務員借奶粉 車長驚悉可怕陰謀立即報警
mami熱話
13 hours ago
【驚人真相】新手爸媽向火車服務員借奶粉 車長驚悉可怕陰謀立即報警
【西九野餐】控訴野餐時遇孩子玩泡泡吹到食物及BB 網民唔撐1句K.O事主
mami熱話
3 days ago
【西九野餐】控訴野餐時遇孩子玩泡泡吹到食物及BB 網民唔撐1句K.O事主
【經營婚姻之道】處理夫妻關係不應依賴眼淚和溫柔 女人最大的武器你有沒有擁有?
家庭關係
2 days ago
【經營婚姻之道】處理夫妻關係不應依賴眼淚和溫柔 女人最大的武器你有沒有擁有?
【最快離婚】「3分30秒」婚姻破全國最快離婚紀錄 新娘跳舞助興竟令男家氣到退婚
家庭關係
15 hours ago
【最快離婚】「3分30秒」婚姻破全國最快離婚紀錄 新娘跳舞助興竟令男家氣到退婚
【小學停課】校巴公司停課期間仍收取車費 港媽斥吸血要家長硬食
mami熱話
3 days ago
【小學停課】校巴公司停課期間仍收取車費 港媽斥吸血要家長硬食