【教養爭議】港媽主張小朋友自己的事自己做 拒絕為兒孭書包被斥虐兒
Photo from MamiDaily
港媽不幫忙孭書包 盼兒子學自理
該名港媽日前在Facebook專頁《生仔要考牌系列》投稿，她指自己一向認為小朋友應該自小建立自理能力，因此大部分事情她都要求兒子自己做。以孭書包為例，「小朋友由返K1開始到現在佢讀K3，都係佢自己書包自己孭。」她澄清自己這樣做並非因為懶惰，而是不希望兒子長大後變「媽寶」，沒有能力照顧自己。
Photo from MamiDaily
遭別人批評虐兒
她明白「應否為小朋友孭書包」這個問題足以令家長爭論不休，而她的做法亦一直備受批評。她表示自兒子K1開始，便因為要他自己孭書包而「俾人話虐兒，甚至有個同學嘅婆婆直頭話睇唔過眼我咁對個仔。」縱使面對批評，港媽卻認為「我點對佢？叫佢負返自己責任都有錯？難度你咩都幫佢做晒就係對佢好？」
兒子自己孭書包的習慣已維持了一段日子，可是最近升讀K3後，他看到其他同學的家長都會幫忙孭書包，於是就話「好攰，想我幫佢孭一陣」。可是港媽當下堅決拒絕，並教育兒子自己的事要自己做，況且升小一後也要自己孭書包。
Photo from MamiDaily
另一位媽媽有旁看到這個情況，便提議升小後可以用有轆的書包放在地上拉。可是港媽不認同這個建議，「我一定唔會買哩款書包畀小朋友，喺地下轆完又孭上身，唔係嘛？」然後她又再次受批評，「到時個書包咁重，你唔幫佢孭，又唔俾佢喺地下拉，你點解要咁對個小朋友？」
港媽認為自己「又硬食了一嘢」，不過這次經歷反令她對自己的想法更堅定。她暗地裏揶揄其他認為要幫小朋友孭書包的家長，「我都睇到另一件事，就係知道點解你小朋友已經K3，都仲要餵飯，幫換衫同著鞋襪；我亦都好期待欣賞你點樣幫小朋友孭書包孭到中學畢業。」
Photo from MamiDaily
有網民認為長期要小朋友孭重書包後果嚴重，「書包輕就話姐。因聽過有小朋友背到條腰彎左。小朋友太細唔敢博。」大部分家長都認為讓小朋友自己孭書包可以培養責任感，「但大前提係個書包嘅重量佢可以承擔得到，而又唔會影響到身體」，不過便不同意港媽拒絕幫忙的做法，「自己小朋友話攰想你幫下，你都拒絕咁就教育到佢好有責任感嗎？」各位家長又會否幫小朋友孭書包呢？
Text：Mami Editorial
文章內容由《生仔要考牌系列》授權
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
