【親子好去處】大叔的愛取景地+壁畫村+跳蚤市場 錦田1日遊必影張家朗壁畫!

【親子好去處】大叔的愛取景地+壁畫村+跳蚤市場 錦田1日遊必影張家朗壁畫!

爸媽分享 親子好去處 bloggers
By 龍鳯孖媽 on 15 Aug 2021

雖然東京的體育盛事已經閉幕,但我哋仲可以運動熱潮,沾沾金牌得主的光,原來男子花劍個人賽金牌得主張家朗已悄悄出現喺壁畫村。預先搜集咗資料 「如何前往壁畫村」,有些人教話步行前往,但冇講明行幾耐,睇 Google Map 望落又好似好遠(其實我係一個 Google Map 白痴)。有些人話可以搭車,搭巴士 64K 由元朗站或錦上路站上車都得(但上車點不同,巴士方向也不同,因為壁畫村位於元朗站和錦上路站之間)。

我哋喺錦上路站B出口出,本來想步行,但豬隊友話「乜有車都唔搭啊!」好啦!咁我哋行返去C出口搭巴士64K(錦上路站上,所以往元朗方向)。搭咗2個站喺祠堂村站落,一落車就見到!

紅磚屋

一個外牆由紅磚堆砌而成嘅室內市集,充滿異國風情,售賣唔同手作和工藝品。另外仲有食肆,行吓食吓嘢都幾好。紅磚屋內外影相都充滿藝術感, 打卡一流 !同時,呢到亦係「 大叔的愛 」取景地之一。「 Where is 田田?」突然有位大叔喺我隔離戚眉,然後問我:「我似唔似田田?」曾經有個靚女(這位大叔嘅表妹)send 咗田田張相畀大叔,話覺得家中大叔有D似田,自此這位大叔沾沾自喜。不過大家當笑話一則好了,畀佢自己開心一吓,唔好咁認真!雖然喺室內,但裏面無冷氣,而且地方唔算大,所以我哋行咗一個圈就走人。


錦田壁畫村

原來沿住紅磚屋前面嘅行人路行2分鐘左右就會到壁畫村,唔同嘅壁畫為村落增添色彩,而張家朗嘅壁畫更係突顯香港特色!戶外地方始終較曬,而且當日天氣炎熱,行咗陣已變「水人」,所以冇影哂就走。另外,村落仲有人住緊,所以大家緊記參觀時要保持安靜,同埋自己垃圾自己帶走,唔好影響人啊!








錦田街市遊樂場

沒有特別嘅遊樂場,只喺剛巧經過,小朋友話見到好想玩。所以我哋入咗去玩咗陣,始終小朋友都係鍾意玩多過打卡。回頭路行番紅磚屋,本想搭車返錦上路站,但豬隊友話見到有個港鐵站指示牌,提議話行返去。結果,原來紅磚屋對面馬路有條路直行就可以返錦上路站,大約步行5-7分鐘左右。原來呢個方法近好多,由B出口行去C出口嘅路程可能只係由B出口行去紅磚屋距離嘅一半。

盈匯坊

Well...真係好靚!由巨型貨櫃箱組成嘅商業街,當中有咖啡屋、零食店等,估唔到貨櫃都可以滲出歐陸感,形成一個慢活小鎮。我哋喺 Cafe 食午飯,食物價錢相宜,50幾蚊一個飯包飲品,仲有台式飲品或咖啡和蛋糕供選擇。但自疫情後,就少咗商店開門。


 


跳蚤市場

廣告
廣告

台灣味濃,好似去咗台灣夜市咁。除了售賣各式懷舊玩具,仲發現有部 「古董」Yes卡機。最特別係有間「兒童機舖」,小朋友可以玩嘅攤位遊戲同電動車。每項收費不同,由5元至20元不等,有些有禮物,有些冇禮物。這裏就連冰糖葫蘆和糖蔥餅等懷舊小食都有得賣,好似去咗一個「回到過去」嘅市集。

*注意跳蚤市場開放時間:周六、日及公眾假期 10a.m.-8p.m.

(但我哋10點幾經過時好多都未開,到12點幾行過就開咗一半有多)


 

 



 

後記:

1/ 每個景點可逗留嘅時間都唔耐,建議可以一次過去晒咁多個。

2/ 跳蚤市場嘅玩具店同「兒童機舖」可能係一個「伏」。小朋友會唔會一定要玩咗買咗先肯走呢?慶幸龍鳳寶寶自小訓練有素,細細個入玩具店前已講明我哋入去係睇玩具,而唔係買玩具。每次都要預告定,而且次次話想要想買時,我都要佢哋諗吓屋企有冇位先。

不知道大家暑假又做咗甚麼呢?祝大家有一個愉快的暑假,我會繼續為大家發掘和介紹更多好去處!

Text & Photo : 龍鳯孖媽

 

🤱🏻 追蹤我們的 Instagrammamidaily.hk看更多育兒教育資訊

🔔 訂閱MamiDaily 親子日常 YouTube頻道

Share to Facebook
Our Facebook Videos
我們的 Facebook 影片
You may also like
你可能也喜歡
【親子好去處】消防及救護教育中心暨博物館免費入場! 3大看點+2彩蛋小小消防迷大召集
親子好去處
a day ago
【親子好去處】消防及救護教育中心暨博物館免費入場! 3大看點+2彩蛋小小消防迷大召集
【聖誕自助餐2021】9大酒店聖誕節自助餐大集合! 低至8折早鳥優惠
親子活動
a day ago
【聖誕自助餐2021】9大酒店聖誕節自助餐大集合! 低至8折早鳥優惠
【野餐好去處】 全港10大免費親子野餐地點推介! 超大放電草坪+隱世無人花園+睇落日海景
親子活動
5 days ago
【野餐好去處】 全港10大免費親子野餐地點推介! 超大放電草坪+隱世無人花園+睇落日海景
【迪士尼聖誕節】聖誕樹煙花亮燈+舞會表演+Duffy花車巡遊 率先試玩迪士尼浪漫白色聖誕
親子好去處
8 days ago
【迪士尼聖誕節】聖誕樹煙花亮燈+舞會表演+Duffy花車巡遊 率先試玩迪士尼浪漫白色聖誕
【聖誕節MAMI CHRISTMAS!】金鐘太古廣場「雪山之巔度假村」 齊齊歡度冰雪假期!
親子好去處
9 days ago
【聖誕節MAMI CHRISTMAS!】金鐘太古廣場「雪山之巔度假村」 齊齊歡度冰雪假期!
【親子活動】世界兒童日4大好去處+活動推介! 兒童畫展+湯屋之旅+藝術市集
親子活動
10 days ago
【親子活動】世界兒童日4大好去處+活動推介! 兒童畫展+湯屋之旅+藝術市集
Hottest Articles
最熱文章
【超級媽寶】人妻早退回家驚見老公狂啜奶奶這部位?崩潰離家出走:嘔心母子
家庭關係
2 days ago
【超級媽寶】人妻早退回家驚見老公狂啜奶奶這部位?崩潰離家出走:嘔心母子
【骨肉分離】奶奶要求將腹中兒子送不孕叔仔 孕媽震怒:我寧願落仔都唔送
家庭關係
2 days ago
【骨肉分離】奶奶要求將腹中兒子送不孕叔仔 孕媽震怒:我寧願落仔都唔送
【同卵雙胞胎】爸爸經常認不出雙胞胎女兒 用1方法分辨激到妻子離家出走
家庭關係
a day ago
【同卵雙胞胎】爸爸經常認不出雙胞胎女兒 用1方法分辨激到妻子離家出走
【害人害己】港媽帶傷風女兒遊迪士尼被斥播毒 同行細仔回家即中招高燒39.3℃
mami熱話
2 days ago
【害人害己】港媽帶傷風女兒遊迪士尼被斥播毒 同行細仔回家即中招高燒39.3℃
【手機上鎖】老爺壽宴期間人妻電話遭外甥擅取 誤開夫妻間親暱照問:怎麼沒穿衣
mami熱話
2 days ago
【手機上鎖】老爺壽宴期間人妻電話遭外甥擅取 誤開夫妻間親暱照問:怎麼沒穿衣
【夫妻關係】父親剛離世!老公醉酒後1句話令人妻想離婚 網民:錢是一面照妖鏡
家庭關係
7 hours ago
【夫妻關係】父親剛離世!老公醉酒後1句話令人妻想離婚 網民:錢是一面照妖鏡