【小童車費】野蠻港媽搭小巴側側膊不為3歲兒付錢　乘客出聲反被指：幾蚊都咁計較

不少公共交通工具規定3歲以下小朋友不佔座位可免車資，而基本上年滿3歲乘車便一定要付錢。所以隨着小朋友長大，家長便要多付一筆交通開支，可是有部分家長或會倚着不會被捉而帶着「超齡」的小朋友搭霸王車。近日一名港媽搭小巴時，就因為未有為3歲兒子付車資而被其他乘客和司機圍攻，弄得場面尷尬又難看。

Photo from MamiDaily

一名網民在Facebook專頁「生仔要考牌系列」以「小巴車費照妖鏡 」為題投稿，指他在乘搭小巴時遇上一件有關小童車資的小插曲，直言「幾蚊車費足令家長醜惡之心表露無遺」。事源這名自稱「花生小巴乘客」的網民指他剛上小巴坐下，司機便揚聲問了數次：「係咪有人未俾錢？」

Photo from MamiDaily

當一眾乘客都在懷疑自己是否「未嘟到八達通」之時，司機再說：「有位夠咗三歲嘅小朋友未俾錢啊！」大家都望向那位身穿校服，且佔了座位的小童。坐在小童旁邊的港媽辯駁稱：「啱啱夠三歲多幾日咋嘛！咁計較，少少錢咁緊張！」

於是司機解釋指綠色小巴的車資不是歸司機，車費是公司規矩。該名港媽再說：「幾蚊都咁計較！」逐將車資投入錢箱。有乘客開聲指：「太太，夠三歲就要俾錢㗎喇，我小朋友都係咁，我諗你要習慣下」港媽不忿回覆道：「咁我而家咪畀咗囉，仲嘈乜嘢！你哋唔好咁執著啦！」

Photo from MamiDaily

司機感無奈地說：「你頭先上咗車10分鐘都未畀啦，唉！」於是乘客又再循循善誘跟港媽說：「太太，身教好重要，呢啲係規矩嚟，你咁樣會教壞小朋友」港媽卻惱羞成怒反指責：「司機平時啲朋友都上車唔俾錢啦！雙重標準！」於是乘客又道：「7000幾蚊一個月學費就肯畀，幾蚊車錢喺度嘈。做家長真係要考牌」。

Photo from MamiDaily

目睹全程的事主指最終港媽因寡不敵眾中途便下車，他指港媽上車的地點屬貴價私樓地區估計其家境富裕，卻在幾蚊車資上盡顯人格。而且司機已很好禮貌給予落台階讓她自動補回車資，惜她的作為可見「面係人哋俾，架係自己丟」。

有網民指港媽只需說聲不好意思，然後補回車資便不會發生這樣尷尬的場面，「話人幾蚊都計較 ，你幾蚊都慳添啦」、「好溫柔嘅小巴司機啊」、「其實佔左位，就要畀錢啦」、「做錯就要認，恐怕佢教出嚟個細路將來會同佢一樣，到時呢位家長自己受返晒」。

延伸閱讀：
【九胞胎】26歲媽媽破世界紀錄誕9胞胎近況曝光 日換百塊尿片餵6公升奶花費千萬
延伸閱讀：
【體育盛事】混血女飛魚何詩蓓200米自由泳勇奪銀　文武雙全DSE35分赴美修心理學

Text：Mami Editorial
內容授權《生仔要考牌系列》