【暑假玩樂好去處】鬧市中五星級酒店 Staycation 人均$237性價比高

早前突然之間同菠蘿包契媽夾到時間，所以我們又去Staycation啦！由於星期六入住價錢都比較貴，一直都未搵到啱心水的酒店，如是者我哋搵到帝京酒店個價錢勁心心眼！我們在旅遊網站訂$947 已包稅3大1小～2張雙人床（淨房無早餐）。問過職員加早餐都只係$80@1位！其實都抵的，不過要前一日訂位，所以今次我們試唔到了！Check-in的時候職員比了游泳池那層的房！（超方便呀！）仲話19樓有個小朋友玩的playroom，已經超貼心幫我預約了時間（呢個真係好驚喜，因為網站都冇講話有小朋友放電的地方！）

不過地方唔算大，唔係太多嘢玩，不過對菠蘿包來講係一個好大嘅驚喜！
玩咗半個鐘之後，突然收到天文台已經除下雷暴警告！
可以去游水啦！呀媽嗱嗱臨拉住菠蘿包返房拎游水嘢！
走的時候職員聽到我哋趕住去游水，俾咗好多張填色紙菠蘿包返屋企油顏色！
游水嗰邊係先到先得形式，冇得預約！我覺得咁樣算係公平！
去泳池之前打電話問吓仲有冇位先過去！
泳池都唔細仲好新淨，難得有游泳池，我哋總共游了2日！
下晝會比較多人，朝早8:00去游水比較少人！

房間方面空間其實都大，菠蘿包係咁跑來跑去都冇問題，
不過就因為住咗泳池層房，望住平台草牆，
都可以接受嘅，主要我哋都係想方便游水！

廁所我哋一致講好靚！仲要有個浴缸可以浸浴！

床就2個大人瞓都仲有位！
菠蘿包同契媽一齊瞓勁開心～

總括嚟講呢個價錢仲要有得住五星酒店，
完全冇伏位！性價比高！下次會再來！
職員真係超級貼心同埋超有禮貌！
不過前台人手就唔係太足夠，
Check-in等候時間比較耐，大約等左15-30分鐘。
（網上睇到有網民話誇張到要等一個鐘，所以我預早左去）

帝京酒店
https://www.royalplaza.com.hk/

延伸閱讀：
【暑假玩樂好去處】露台按摩池變小朋友專屬私家泳池   唔使同人迫早晚望維港游水

延伸閱讀：
【遺愛人間】澳洲滑雪傳奇名將意外身亡　女友12個月後報喜懷有其骨肉

Text & Photos：菠蘿包媽