【暑假玩樂好去處】鬧市中五星級酒店 Staycation  人均$237性價比高

【暑假玩樂好去處】鬧市中五星級酒店 Staycation 人均$237性價比高

爸媽分享 bloggers
By菠蘿包媽 on 27 Jun 2021

早前突然之間同菠蘿包契媽夾到時間,所以我們又去Staycation啦!由於星期六入住價錢都比較貴,一直都未搵到啱心水的酒店,如是者我哋搵到帝京酒店個價錢勁心心眼!我們在旅遊網站訂$947 已包稅3大1小~2張雙人床(淨房無早餐)。問過職員加早餐都只係[email protected]位!其實都抵的,不過要前一日訂位,所以今次我們試唔到了!Check-in的時候職員比了游泳池那層的房!(超方便呀!)仲話19樓有個小朋友玩的playroom,已經超貼心幫我預約了時間(呢個真係好驚喜,因為網站都冇講話有小朋友放電的地方!)






不過地方唔算大,唔係太多嘢玩,不過對菠蘿包來講係一個好大嘅驚喜!
玩咗半個鐘之後,突然收到天文台已經除下雷暴警告!
可以去游水啦!呀媽嗱嗱臨拉住菠蘿包返房拎游水嘢!
走的時候職員聽到我哋趕住去游水,俾咗好多張填色紙菠蘿包返屋企油顏色!
游水嗰邊係先到先得形式,冇得預約!我覺得咁樣算係公平!
去泳池之前打電話問吓仲有冇位先過去!
泳池都唔細仲好新淨,難得有游泳池,我哋總共游了2日!
下晝會比較多人,朝早8:00去游水比較少人!




房間方面空間其實都大,菠蘿包係咁跑來跑去都冇問題,
不過就因為住咗泳池層房,望住平台草牆,
都可以接受嘅,主要我哋都係想方便游水!

廁所我哋一致講好靚!仲要有個浴缸可以浸浴!




廣告
廣告

床就2個大人瞓都仲有位!
菠蘿包同契媽一齊瞓勁開心~


總括嚟講呢個價錢仲要有得住五星酒店,
完全冇伏位!性價比高!下次會再來!
職員真係超級貼心同埋超有禮貌!
不過前台人手就唔係太足夠,
Check-in等候時間比較耐,大約等左15-30分鐘。
(網上睇到有網民話誇張到要等一個鐘,所以我預早左去)

 

 

🤱🏻 追蹤我們的 Instagram mamidaily.hk 看更多育兒教育資訊
Share to Facebook