【出走生仔去廣華走佬袋有咩要帶？臨產媽媽話你知兼有小貼士】

By 90後P牌媽咪 on 06 Feb 2018

90後Fresh Grad媽媽，畢業不足半年做左媽媽，兒女係上天比我最大既祝福。充滿正能量既我，雖然年紀較細，人生經驗唔多，但懷孕過程中，令我對於育兒、教導亦有多左一番心得。希望藉住文章、Facebook Page帶到更多正面信息比一班同行者，同時記錄我懷孕過程同寶實既一點一滴。

終於去到36週，下星期BB就足月喇，真係隨時都Ready定可以去醫院！我由33週開始慢慢準備走佬袋既野，始終都有野要買，個肚太大先去買會好辛苦，所以建議媽媽都要早少少準備定！

以前廣華都會比張紙孕婦既走佬袋要執咩，依加係唔會比……只會係平時產檢既地方貼張紙比大家參考。

不過睇完都覺得唔係好實在，所以自己都係base on呢個list再加加減減：

身份証、少量現金、8達通、覆診紙等等就長期帶定係身邊！

我就準備左兩袋放左係廳，一見紅／穿羊水就即刻拎住佢地暴走！大家最好都用個大D既袋，唔好用幾個袋分開拎，一黎好易漏，二黎一袋過方便好多架！

首先講下媽媽有咩啦！

呢一Part我會稱為一定一定要帶！因為其他野唔帶都仲可以叫屋企人即刻拎，但呢一堆都係一生完就要即刻用！市面上，有好多一pack過既走佬袋所需要既野賣，例如六甲村、佩儷等。我呢個六甲村係之前奶奶係Aeon買定比我既，帶晒去都穩陣架喇！另外，我都準備左用開既Skin Care去，雖然未必有時間用，但醫院冷氣都會抽乾皮膚水份，到時一乾心情都會唔好。牙刷我帶左係酒店用既牙刷同用完就Dump得既杯，咁出院又可以執少樣野！

另外，私人tips係帶埋消毒紙巾同濕廁紙，消毒紙巾係比你抺廁板用，生完最好都保持乾淨啦，始終都多人用吖嘛！而我會用濕廁紙取代廚房紙，去完廁所用沖洗器洗一洗，再用濕廁紙清潔，又乾淨又可以沖落廁所，加上濕廁紙Soft D，我地都舒服D！

呢一part就係次需要既野，醫院大家都知唔比用插頭架喇，所以帶定個充電器去啦。另外，乳墊都可以準備定，始終唔清楚自己既奶量會點，有時可能會漏少少，所以帶定穩陣D！而呢一隻濕紙巾係比我地餵完奶清潔返個乳頭，BB同媽媽都可以用架！可能你會發現我係無放到拖鞋入去，因為我打算直接著拖鞋去醫院，最緊要搵定一對防滑拖鞋，唔好用酒店個D薄薄拖鞋啊！

到啊B個袋其實好少野，最緊要帶尿片比佢用！另外，先帶一卷廚房紙，因為係用黎代替紗巾，幫BB抺下奶咁。之後，手襪仔一定要拎定，BB出世唔習慣，加上面仔可能會痕，到時可以比佢佢帶住，唔好R損塊面！同BB濕紙巾係用黎抺佢patpat既，我媽媽話最好帶個盤去，柯完Poopoo可以用暖水幫佢洗下，會舒服過用濕紙巾。我都帶定一枝body lotion比BB用，如果皮膚乾／痕都可以搽下吖嘛！