【我做媽媽了！但三個月唔講得？畫你睇：唔好再迫我講啦~】

我做媽媽了！真的有了 DolphinBB！

其實自從買了自己的安樂蝸，我同老公就開始計劃生寶寶。有 BB，我覺得是上天給我們的禮物，也是一種寶貴的緣份。
大家都知道，懷孕三個月前，是不可以告訴別人的嗎？我起初不明白，說 BB會小氣是什麼意思。原來，這不是迷信，而是因為懷孕3個月，是非常不穩定的時期：孕婦有機會佗不穩 BB，同時亦不清楚 BB的發育狀況。如果在這不太穩定的時期告訴所有人，Touchwood有什麼事，媽媽就會承受好大創傷及心理壓力。

有了 BB，我才明白什麼是「養兒一百歲長憂九十九」，由養兒 0歲，其實作為媽媽的已經開始擔心。當發現驗孕棒 2條線時開始，就會諗：
「BB有發育嗎？胃口唔好/成日嘔會影響 BB吸收嗎？相反：今日胃口好左/嘔少左，是否BB有什麼問題？」
「BB 真的在子宮內嗎？BB 有無遺傳病？BB 是男定女？BB 鐘意食乜野？」
.
.
.
(好多好多的疑問........)

直到第一次去產檢，大約2個月左右，在超聲波見到 BB！這才有真實感。

記得當時好感動，這麼小，已經是一個人形，已有頭、手、腳、腸、心臟...明明兩個月前什麼也沒有~而且在我外表，根本看不出多了一個BB。

本身，我都是廋底，頭4個月，大約就重了1kg吧。在街上、朋友，其實都不會知道我是懷孕了的。不過這三個月，真的好想告訴朋友！對我來說，要瞞著別人已有 BB的消息，簡直是智力難題：

不過我最怕係有人估到問：「你係咪有左？」通常我都會話：「我............如果有嘅，你遲D會知，哈哈哈」(快速轉話題)
(呢個最驚，因為最難有技巧答)其實聰明人都會估到....

大家聰明人就唔好再迫你個懷孕朋友XD，事關佢佗 B已經好辛苦，唔好再考大肚婆智力啦！佢未話你知都係因為怕佗 B不穩，唔係唔夠老友。
你只要默默咁祝福佢就可以啦~~~哈哈~

Text & Photo: DolphinB

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！