【親子好去處】媽媽推介 一次過玩盡新舊式遊樂場

遊樂場開返啦~~~等到頸都長埋，之前成日去了行山，雖然行山是一個好好的體能活動同埋又可認識大自然，但小朋友有時都鐘意去免費遊樂場 。之前介紹過青衣公園有楓香樹，又有落羽松，即係有紅葉睇呀。雖然現在過了紅葉的季節，但簕杜鵑盛開，桃紅色、黃色和白色，真係好靚呀。

而且湖泊美景，再加埋 瀑布 、蓮花 同埋烏龜 ，真係一個環境清幽嘅靚公園。

仲有樓梯或斜路的偽行山小徑，細B都可玩行山呀

最重要係個遊樂場!!!!
遊樂場被域分咗四層，每層有唔同嘅遊樂設施。(帶住bb車可能要拎住bb車行幾級去另一層玩，唔算多級)
最正係乜野？

1)巨型毛蟲攀爬架(Caterpillar)
喺條毛蟲上面爬黎爬去，小朋友覺得好刺激呢~

2)馬馬搖搖椅
可以好多個小朋友坐係上面一齊搖，孖媽小時候都好似有玩過，好懷舊呀~

3)小型初級歷奇攀爬網
細BB和中BB可能未夠膽去玩歷奇，但這個初楷版真係唔錯唔錯。

4)小朋友屋企
有間小屋仔，裡面有枱有櫈，門外有傳聲筒，像真度甚高。

5)大小朋友都啱玩
滑梯都有分大小，而且亦有訓練手仔肌肉嘅設施。

仲有呀~~~係青衣公園隔離有個懷舊公園(青衣商場地下對開的空地)，有大車輪滑梯同小木屋。孖媽嘅 童年回憶 返哂黎~小朋友第一次見到咁懷舊嘅遊樂場，超興奮，玩得勁開心。

~~超好玩公園青衣公園~~

交通:
1) 青衣站B出口出(喺青衣城1樓跟指示牌往青衣運動場方向走)，經過Pie and Tart和通利琴行，向前行到天橋，過天橋到對面，左邊樓梯，右邊斜路(岩推bb車行)。落地面，向左行就係入口，十分方便~
2)如果搭巴士/小巴，除咗青衣運動場和青衣公園嘅巴士站外，亦可選擇青衣商場或青衣邨宜業樓落車。

~~懷舊公園~~
穿過青衣商場就見到

延伸閱讀：

【親子廚房】萌爆復活節小雞一蛋兩食 可愛蒸蛋糕免焗爐好方便

延伸閱讀：

【親子好去處】洪聖古廟睇貓+坐街渡+逛海鮮市場 感受香港仔懷舊漁港風味

Text & Photo : 龍鳯孖媽