【家庭關係】叻媽媽 - 疫情一年我已升呢

由疫情開始，米豬停課到而家，足足一年幾了，大家都逐漸習慣宅在家攬住部電腦過日子，爸爸要zoom meeting，米豬要zoom class，我要同朋友仔facetime見面，由上年3月開始，我地屋企已經逐步發展成智能家居smart home喇~

最智能嘅，應該是----電視機啦！這一年我沒有它真不知如何度過！上堂又係佢，上網又係佢，煲劇又係佢，米豬睇卡通都係佢!! 我們的電視可以上網，真是方便好多呀~ 米豬有時自己拎住個remote亂咁按都開到BLIPPI *0* So much to learn about~ that will make you wanna shout! BLIPPI!

當然~ 成部電視嘅控制權access control在我同爸爸手上啦~ A_Av 而家對電視電腦對得多，記得要定時休息眼仔啊~
我㫓屋企每日睇嘅，又點止BLIPPI呢~ 仲有個Phonics channel想介紹比大家，係由BBC推出嘅 Alphablocks 純正英式發音~ 米豬啲phonics除咗老師教之外，都响度溫習 (又稱洗腦) 返嚟ga~

同埋我地成日都做嘅親子瑜伽，香港搵唔到太多相關嘅片， 我就睇台灣家家老師親子瑜伽多，因為佢囡囡同米豬差唔多大，一齊做嗰陣都幾合作ga~ 响屋企可以伸展吓已經好開心喇~

另外今年仲靠一個好重要嘅遊戲嚟keep fit，就係ring fit喇~ 成功將我變成波嘅速度減慢咗2個月咁大把XD

為咗保持每日都有唔同Idea煮飯，煮食channel 當然唔小得啦~ 唔係點食到米豬肥肥白白先？仲有一件事大家可能未知，我今年unlock咗新技能 - 疱丁解牛! 自己開咗件牛肩胛，仲切埋做韓燒片添~ 是咪勁先？(開一件牛真係好攰, 我下次會乖乖地課金比專業人士XD) 呢舊肉肉玩咗我2日~ 但成功切晒嗰陣，真係好有滿足感~

你地呢？呢一年過成點呀？希望快啲可以疫情退散，大家一齊去公園除罩奔跑啦~

Text & Photo : 米豬媽媽