【生產過程】二胎媽媽實戰經驗分享 穿水、催生、體力恢復兩次都不同
穿水分別
第一胎是半夜一攤水流出來那種穿水。
第二胎係有一陣一陣滲出來的高位穿水，當時去到醫院過了一晚，做測試才知是不是真正的穿水。
催生分別
第一胎我由陣痛、催生到生出BB，用了超過28個鐘，當時只可以用極度痛苦形容，因為穿了水同落了催生藥好耐，但仍然在「萬年兩度」的狀況中，我接近去到崩潰的狀態，所以最後冇辦法去打無痛針，落產房等開夠度數先出力生bb。
今次第二胎催生計14個鐘就生了，雖然我是穿了羊水，不過屬於高位穿水，所以實際不是大穿水，我去到待產房等醫生人手穿水，人手穿水的不適比起check宮頸是更加不舒服，但當時冇辦法下，惟有揀放鬆心情同身體去度過。
人手穿水後我好快就去到三度，不過我知我忍不到即將到來的劇痛，所以我好快就要求打無痛針，打完之後就在產房抖吓，四個鐘後就已經開到十度，停藥順利分娩。
Photo from MamiDaily
體力恢復分别
第一胎生完，BB直接去了新生兒病房住六日，所以我在產後房是非常輕鬆度過了三日兩夜生活，當然頭一日成個人攰到不似自己。
第二胎因為有上胎經驗，減少陣痛感的辛苦，明顯個人體力恢復比上胎好，雖然生完第一日都是頭暈暈、下不了床。不過開胃好多，我由第一餐起就吃掉所有飯菜，我見有些產婦無胃口直接唔食，不過我建議大家要吃一些，因為食了先更容易恢復體力，才能盡快脫離好攰、好暈的狀態！
因為食飽飽關係，第二日我已經精神好多！我知很多媽咪覺得醫院餐麻麻哋，講真我平時吃得好清淡，都覺得醫院食物真係一般般，所以情況許可的話，大家可以麻煩屋企人加餸或者叫月子餐頂住先，始終進食不足都會較難上奶同恢復體力。
希望我以上小小經驗分享，可以幫到大家度過孕後期對分娩日子逼近的恐懼感，再辛苦再難捱既分娩過程都會過去，到時迎來小生命，所有的痛苦都會唔記得曬！
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
