【堅強爸爸】疫情下被裁員為養家送外賣、做跟車、包裝工人 小鐵漢爸爸網上發文共勉：香港人！撐住！
患有先天性心臟病的3歲「小鐵漢」Kansas，小小年紀已經歷了多次高風險手術。可幸如今Kansas病情穩定，並在今年成為幼稚園K1新生，對於Kansas的父母來說自然非常欣慰。不過「小鐵漢爸爸」Jayco今年就一度遇到困境，數月前突如其來的失業讓他遇上低潮。幸獲好心人出手相助，最近更已找到穩定工作，繼續當「小鐵漢」和家人的最強後盾！
Photo from Jayco Charlie Cheng
「小鐵漢爸爸」Jayco上星期在臉書專頁「巴打絲打 Facebook Club」兩度發帖，指自己33歲生日，希望得到大家的祝福，「想R大家祝福我仔仔身體健康&長命百歲，嚟緊Phase 3手術一切順利」。身為人父，自己的生日願望都是關於兒子，果然「可憐天下父母心」。
其實Jayco今年亦不好過，新冠肺炎肆虐，不少機構裁員，他亦是其中之一。事緣今年8年時，正在放無薪假的Jayco收到公司的「大信封」。供樓、生活費，以及最重要的兒子醫療費頓時變得百上加斤，情急之下，Jayco透過facebook專頁尋找工作介紹。
Photo from Jayco Charlie Cheng
四個月過去，Jayco向網民表示自己已獲得一份穩定長工，並向大家表示感謝：「我好感激呢段時間各方好友嘅關心同幫助，喺我最低落嘅時候同我講一句『加油』。」原來在這段失業期間，Jayco為養家曾做過外賣、跟車、包裝工人等工作，「每一位朋友嘅sharing同每一份part time都豐富咗我嘅人生經歷，多謝您地」。
除此以外更獲張艾嘉導演主動提供一份「1日演員」工作，與鄭秀文演對手戲，「最難忘嘅係張艾嘉導演知我冇收入冇工開，搵我去做一日演員，果日係香港電影業第一日復工，大家都好興奮，最興奮嘅係我一去到，發現我對手係Sammi鄭秀文，場戲仲要我一對一係咁鬧佢，結果佢俾我鬧咗大半日！」
Photo from Jayco Charlie Cheng
最後「小鐵漢爸爸」Jayco以英文為自己和香港人打氣，「Everything will be okay in the end. if it's not okay it's not the end.香港人！！撐住呀！！」
Text: Mami Editorial
Source、Photos: 巴打絲打 Facebook Club、Jayco Charlie Cheng
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
