懷胎十月，BB成為左我最好既朋友、最大既支持者

By 90後P牌媽咪 on 19 Jan 2018

90後Fresh Grad媽媽，畢業不足半年做左媽媽，兒女係上天比我最大既祝福。充滿正能量既我，雖然年紀較細，人生經驗唔多，但懷孕過程中，令我對於育兒、教導亦有多左一番心得。希望藉住文章、Facebook Page帶到更多正面信息比一班同行者，同時記錄我懷孕過程同寶實既一點一滴。

不經不覺，BB已經係我個肚到8個多月，就快9個月Lu！呢8個月同佢一齊經歷左好多野，去既每一個地方、做既每一件事、講每一句既說話佢都陪住我。

好記得初初唔知有左BB，去見工個陣好緊張，又要自我介紹、Hard Sell下自己，原來個陣BB已經成為左我既鼓勵者，一直默默咁陪住我。

去到後期，自己有產前抑鬱，每一日都好唔開心，打唔起精神，我唔擔心自己好唔好得返，但就好擔心會影響到BB既情緒，怕佢大個會變炆薑。但好記得個陣開始感覺到BB郁，有時碌黎碌去，有時又踢下我咁，個種感覺好似支持緊我，同我講：媽咪唔好放棄，仲有我陪住你！或者係因為個女既支持，令我好快行返出呢個低谷時期，用左2-3個月時間，我終於過左抑鬱既階段，真正享受到做準媽媽既快樂！