產後修身減唔到磅，未必代表食得多或者唔夠努力。產後體重變化除了受飲食影響，亦可能與身體恢復進度、睡眠不足、活動量下降、荷爾蒙變化，以及產後水腫有關。想改善產後身形，重點不是盲目節食，而是先了解身體出現變化的原因，再按個人恢復情況選擇合適方法。

不少媽媽都會遇到同一個疑問：「明明食少咗，仲要餵人奶，點解產後減肥仲係冇進展？」其實，產後減唔到磅並不一定是意志力問題，而是生產後身體仍處於調整階段，荷爾蒙變化、生活模式改變，以及水分平衡轉變，都可能影響體重變化。

本文將拆解產後代謝變化、產後水腫與脂肪堆積的分別，分享哺乳期減肥注意事項、日常促進身體恢復的方法，以及淋巴引流、聲波療法（AWT）和 Onda Pro 等身體塑形方式，幫助媽媽更了解自己的身體狀態，按個人恢復進度逐步調整身形。

產後減肥點解咁難？食少咗都未必代表會瘦

一名媽媽正在為自己的撫摸著自己的身材。 Photo from PressLogic

好多媽媽產後開始控制飲食，希望快啲恢復產前嘅身形，但就發現體重下降速度比預期慢。

在懷孕期間身體會因應胎兒成長需要，調整荷爾蒙水平、增加血液循環，同時儲存一定能量作日後哺乳需要。生產後，身體仲處於恢復階段，呢啲變化唔會即時完全恢復，因此部分媽媽可能會覺得身體比較腫脹，或者減重進度較慢。

另外，照顧初生嬰兒期間，睡眠不足、壓力增加，加上活動量減少，都可能影響每日熱量消耗，令不少媽媽出現「食得唔多，但都減唔到」嘅感覺。所以，產後減肥唔單止係控制飲食，更重要係了解影響身體線條嘅不同因素。

產後代謝點解慢咗？了解身體恢復過程

名產後媽媽在家中照顧BB示意圖。 Photo from PressLogic

講到產後代謝，好多媽媽都會疑惑：「點解以前食同樣份量都冇問題，而家就好似難瘦好多？」其實，產後代謝轉變並唔代表身體出現問題，而係生產後常見嘅身體調整過程。

懷孕期間，身體會自然增加脂肪儲備，作為孕育及哺乳期間嘅能量來源。生產後，如果肌肉量減少、活動量下降，再加上睡眠不足，都可能令每日消耗有所改變。除此之外，荷爾蒙水平轉變亦可能影響食慾、情緒及身體狀態。

所以，產後修身唔建議一開始就追求快速減磅，而係先幫身體慢慢恢復節奏。

產後水腫定脂肪？簡單方法分辨身形變化

一張卡通資訊圖表，對比產後水腫與脂肪累積的特徵，包括腫脹時間、按壓反應和身形變化部位，底部包含就醫提示。 Photo from PressLogic

好多媽媽見到腰腹、大腿或者手腳變粗，都會第一時間覺得自己「肥咗」。但其實，產後水腫亦可能令身體線條變得唔明顯。可以透過以下特徵初步分辨：

產後水腫常見情況

朝早起身或者夜晚時，身體較容易覺得腫脹
長時間坐低、企起後，腳部容易有脹感
按壓皮膚後，可能短暫留下凹痕

脂肪累積常見情況

身形變化相對穩定
腰腹、大腿、手臂位置較容易出現脂肪堆積
按壓後一般唔會留下明顯凹陷

如果出現持續明顯腫脹、疼痛，或者單邊身體突然腫起，應立即求醫。

淋巴引流係咩？聲波療法有咩幫助？

一名產後媽媽在家中量度腰圍，記錄產後減肥進度。 Photo from PressLogic

淋巴系統主要負責協助維持身體體液循環，而淋巴引流按摩一般透過輕柔按摩手法，協助改善身體緊繃感及局部狀態，改善因水分滯留而帶來嘅繃緊感。

不過要留意，聲波淋巴引流並唔屬於減肥方法，亦唔可以取代飲食控制及運動管理，主要係作為身體護理一部分，協助改善局部狀態。

Onda Pro 配合 DUOLITH® AWT：產後修身後期嘅身體塑形選擇

一名女子正在TopGLow Medical進行TotalSculpt™ 療程。 Photo from TopGlow Medical

生完 BB 之後，唔少媽媽都希望慢慢搵返以前嘅身形，但其實產後修身唔只係「減磅」咁簡單。懷孕同生產期間，身體會經歷荷爾蒙變化、脂肪分布改變、水分變化，以及皮膚狀態轉變，所以每位媽媽嘅恢復速度都會有所不同。

完成哺乳期後，如果想進一步了解局部線條改善或者身體塑形方法，可以先了解不同技術嘅原理，再按照自己嘅身體恢復情況，選擇適合自己嘅方式。

位於中環嘅 TopGlow Medical 提供 TotalSculpt™ 全效塑形療程，結合 Onda Pro Coolwaves® 冷微波技術及 DUOLITH® AWT 聲波技術，透過兩種技術嘅不同特點，配合媽媽產後身體塑形需要。

Onda Pro 冷微波技術：針對局部線條管理

不少媽媽產後都會發現，雖然體重慢慢下降，但小腹、腰側、大腿等位置嘅線條仍然未必容易恢復。其實，局部脂肪分布、皮膚彈性，以及產後身體狀態，都可能影響整體外觀。

Onda Pro 採用 Coolwaves® 冷微波技術，透過特定頻率微波能量作用於皮下脂肪層，主要應用於局部身體塑形及線條管理。

根據 Onda Pro 原廠公開資料，在特定研究條件下，單次療程曾觀察到最高約 27% 目標脂肪細胞相關變化數據。不過，相關數據只屬研究結果參考，實際改善程度會受到個人體質、生活習慣、身體狀況及療程安排等因素影響，效果會因人而異。

對於已完成產後恢復階段，希望了解非侵入式身體塑形方式嘅媽媽而言，Onda Pro 可以作為其中一種可了解嘅選擇，再按自己需要及專業建議作考慮。

DUOLITH® AWT 聲波技術：配合不同部位需要調節應用方式

除咗局部脂肪問題，不少媽媽產後亦會關注肌膚鬆弛、橙皮紋外觀，以及身體線條改變等問題。部分媽媽亦可能會留意腹部皮膚變化，例如肚紋及妊娠紋等常見困擾。

DUOLITH® AWT 聲波技術係一種利用聲波能量作用於身體組織嘅技術，常見於身體護理及塑形相關應用。療程會因應不同部位、肌膚狀態及需要，選擇合適嘅手柄及操作方式。

儀器配備 C-ACTOR® 及 D-ACTOR® 等不同手柄：

C-ACTOR®：主要應用於較深層位置
D-ACTOR®：主要應用於較淺層區域

簡單嚟講，療程唔係所有位置都用同一種方式處理，而係會按照不同部位嘅需要調整設定。

由瑞士 STORZ MEDICAL 生產嘅 DUOLITH SD1 ultra AWT，結合放射式（Radial）及聚焦式（Focused）聲波技術。根據原廠資料，其應用範圍包括改善橙皮紋外觀、提升肌膚緊緻感，以及配合身體線條管理等相關護理需要。

另外，儀器亦配備 V-ACTOR® 手柄，主要用於肌肉放鬆相關應用。實際療程安排會由專業人員按個人身體狀況及目標部位作出調整

TotalSculpt™ 雙機塑形：從不同方向配合產後身形管理

產後修身過程中，有些媽媽會發現，單靠飲食調整及運動雖然可以改善整體體態，但部分局部位置仍需要較長時間恢復。

TotalSculpt™ 全效塑形療程結合 Onda Pro 及 DUOLITH® AWT 兩項技術，從不同方向配合身體塑形需要。

DUOLITH® AWT：透過聲波技術，按照不同部位需要調整操作方式，配合肌膚狀態及身體線條管理需求。
Onda Pro：技術主要應用於皮下脂肪層，配合局部脂肪比例及身體輪廓管理。

兩項技術各有不同特點，TotalSculpt™ 的概念是透過雙技術配合，從局部脂肪、肌膚外觀及身體線條等不同方向，協助媽媽了解產後修身選項。

哪些媽媽會考慮產後身體塑形療程？

每位媽媽產後恢復速度不同，是否適合進行身體塑形療程，亦需要按個人情況評估。一般而言，以下情況的人士可能會希望了解相關資訊：

完成哺乳期後，希望改善局部線條：生產後腹部、腰側或大腿位置出現線條變化，希望了解不同修身方法。
體重恢復後仍關注局部位置：即使整體體重下降，部分位置仍希望進一步管理。
關注橙皮紋外觀：產後或體重變化後，大腿、臀部等位置可能出現凹凸不平紋理，希望了解改善方式。
希望了解非侵入式塑形選項：想先了解不同技術原理，再按需要作出選擇。

想在中環做減肥療程？揀美容院時可以留意咩？

一名產後媽媽正在看美容院項目。 Photo from PressLogic

許多人都想搵位置與地點方便的美容院，因此都優先選擇在中環一帶尋找。如果想進一步了解美容院選擇、療程比較及身體塑形方案，亦可以參考中環減肥相關整理。

選擇身體塑形療程時，可以留意以下幾點：

會否先了解個人身體狀況及需要
是否清楚講解儀器原理、流程及注意事項
收費方式是否透明
是否有足夠時間了解療程後再作決定

近年亦有不少消費者會搜尋「不 Hard Sell美容院」，希望選擇一間以專業講解為主、唔會急於推銷療程嘅美容中心。

TopGlow Medical亦採用預約諮詢形式，讓客人先了解療程原理、流程及注意事項，再按自己嘅需要考慮是否安排療程。對於第一次接觸醫美或身體塑形療程嘅人士嚟講，先了解清楚、比較唔同方案，再慢慢作決定，會係較安心同理性嘅選擇。

Onda Pro 可以改善橙皮紋嗎？了解身體塑形常見疑問

一名女性正在了解大腿橙皮紋外觀改善方法。 Photo from PressLogic

除咗產後減肥，不少女生亦會關注大腿、臀部等位置嘅凹凸紋理問題，亦即俗稱嘅「橙皮紋」。橙皮紋主要同皮膚表面及皮下組織結構有關，當脂肪分布、皮膚彈性等因素出現變化時，表面可能會呈現凹凸不平嘅外觀。

部分身體塑形療程會針對局部脂肪及皮膚外觀進行改善，例如 Onda Pro 配合其他技術，旨在從不同角度協助改善身體線條及肌膚外觀。不過，每個人嘅身體狀況、脂肪分布及皮膚狀態都唔一樣，療程效果會因人而異，並不能保證每位人士都達到相同嘅改善程度。

產後減肥日常點做？媽媽都做到嘅促代謝方法

一張資訊圖表列名「媽媽日常促代謝指南」，提出三個重點：「營養飲食」、「爭取休息」和「輕量活動」。 Photo from PressLogic

照顧 BB 已經非常忙碌，所以產後修身唔需要靠極端方法，反而可以由生活中較容易做到嘅小習慣開始。

飲食：唔建議一味食得少

產後身體需要營養恢復，尤其係仍然餵人奶嘅媽媽，更需要攝取足夠營養。與其大幅減少食量，不如調整飲食比例，例如增加蛋白質、蔬菜及全穀類食物攝取，幫助維持身體所需營養。過度節食反而可能令身體缺乏能量，影響日常狀態。

睡眠：休息不足都可能影響身體狀態

初生 BB 作息未穩定，媽媽要有完整睡眠確實唔容易。但如果情況許可，可以趁 BB 瞓覺時盡量休息，或者由家人分擔部分照顧工作，爭取更多休息時間。睡眠質素同身體恢復、情緒狀態都有一定關係。

活動：由輕量運動慢慢開始

產後唔需要急於做高強度運動，可以先從散步、伸展、簡單肌力訓練開始。待身體恢復，並經專業人士評估適合後，再逐步增加運動強度，有助建立較長久嘅生活習慣。

餵人奶減肥有效嗎？未必人人都一樣

一名媽媽正在整理自己的母乳工具示意圖。 Photo from PressLogic

餵人奶減肥係咪會自然瘦？相信不少媽媽都好奇這個問題。在哺乳期間，身體製造母乳需要消耗額外能量，因此部分媽媽可能會發現體重較容易下降。但實際情況因人而異。

有些媽媽因為哺乳期間食量增加、睡眠不足，或者荷爾蒙變化影響，未必會明顯減輕體重。所以，餵人奶並唔代表一定會自然瘦身，最重要仍然係保持均衡飲食，確保媽媽同 BB 都得到足夠營養。

哺乳期間可以做 Onda Pro 或溶脂療程嗎？

如果仍然處於哺乳期間，建議先以身體恢復、均衡飲食及適量活動作為產後修身的主要方向。由於哺乳期身體仍處於恢復及調整階段，對於 Onda Pro、溶脂類或其他身體塑形療程，一般建議完成哺乳後，再由專業人士評估是否適合安排。

根據 Onda Coolwaves® 原廠資料及相關安全指引，懷孕期間及部分產後哺乳階段人士，均屬需要特別注意的情況。因此，若仍然餵人奶，建議先了解療程相關注意事項，並按照專業建議選擇合適時間進行。

對於正在餵人奶的媽媽而言，這段時間可以先將重點放在身體恢復，例如維持均衡飲食、進行適量核心肌群及盆底肌訓練、改善日常姿勢，以及爭取足夠休息。產後修身並不是單靠儀器或快速減重，而是先讓身體逐步恢復，再按個人狀況選擇適合自己的改善方式。

如果本身有懷孕、哺乳或其他身體狀況，在進行任何身體塑形療程前，亦建議先諮詢醫生或專業醫護人員，了解自身情況是否適合。

產後首要係養好身體同心情，修身唔需要急，畀自己多啲時間。

產後減肥 FAQs

1. 產後減肥幾時開始最好？

產後減肥時間因人而異，一般建議先讓身體完成初步恢復，再按照個人情況慢慢調整飲食及運動。自然分娩及剖腹生產後嘅恢復時間亦有所不同，最好按自己身體狀況安排。

2. 餵人奶會唔會幫助減肥？

餵人奶期間，身體會消耗額外能量，但減重效果並唔係人人一樣。體重變化仍然會受到飲食、睡眠、活動量及個人體質等各方面嘅影響。

3. 產後水腫同肥點分？

產後水腫通常會隨時間、姿勢及生活習慣有所變化，例如朝早或晚上腫脹程度不同。脂肪則通常較穩定，可以觀察身體線條變化，並配合按壓測試作初步判斷。如果水腫情況持續或伴隨不適，建議向醫生諮詢。

4. 淋巴引流按摩同儀器有咩分別？

傳統淋巴引流主要透過人手按摩手法，協助放鬆身體及促進循環。部分美容療程則會加入聲波等儀器作輔助，希望針對局部循環及身體狀態提供不同護理方式。兩者原理有所不同，適合與否可以按個人需要及專業建議作選擇。

產後修身唔需要急，了解身體先搵到適合方法

一名媽媽正在家中做運動示意圖。 Photo from PressLogic

產後減肥唔係一場追趕速度嘅比賽，更重要係了解自己身體正處於咩階段。荷爾蒙變化、產後代謝調整，以及產後水腫，都可能令身形恢復需要更多時間。與其不停節食或者責怪自己，不如先了解真正原因，再選擇適合自己嘅改善方式。

無論係調整飲食習慣、慢慢恢復運動，定係了解 Onda Pro、DUOLITH® AWT 等身體塑形技術，都應該以安全及適合自己為前提。

產後首要係養好身體同心情，修身唔需要急，畀自己多啲時間。當身體準備好，自然可以一步一步找回屬於自己嘅節奏同自信。

Text：Mami Editorial

產後減肥

【產後減肥】食極少都減唔到？拆解產後減肥常見迷思、產後代謝、水腫原因＋淋巴引流、Onda Pro 修身攻略

【產後減肥】洪永城太太梁諾妍用3個月產後減肥 腹肌回歸 脂肪量大跌

【產後減肥】洪永城太太梁諾妍用3個月產後減肥腹肌回歸脂肪量大跌