【媽媽最痛】陳柏宇老婆第二胎宮外孕 大量出血切除輸卵管 符曉薇拍片分享:為同路人打氣

【媽媽最痛】陳柏宇老婆第二胎宮外孕 大量出血切除輸卵管 符曉薇拍片分享:為同路人打氣

明星家庭 媽媽健康
BySarah on 13 Aug 2020 Digital Editor

歌手陳柏宇和老婆符曉薇(Leanne)結婚3年,兩人育有快滿2歲的女兒Abigail,家庭生活甜蜜溫馨。 日前Leanne上載影片,剖白自己5月時懷有第二胎,但發現為宮外孕,最後需做緊急手術:「醫生話我子宮大量出血,最終決定切除(左邊輸卵管)。」 

Leanne拍片剖白。
Photo from Leanne Fu YouTube

已有一女的Leanne媽媽在影片中說道,她一直想為囡囡生多個弟弟或妹妹,5月時發現懷有第二胎,十分開心,怎知期後狂出血及腹部疼痛,看醫生後證實為宮外孕,因BB着床左邊輸卵管導致輸卵管爆裂,最終於6月接受緊急手術切除左邊輸卵管。

Leanne憶述當時情況:「我知道有咗之後一個禮拜,我開始出血,腹部都經常痛,日日都有出血,有時少少,有時出好多血。到覆診嗰日,我腹部好痛,我以為自己盲腸炎,直頭想暈低,標晒冷汗,係超級痛超級痛!」

陳柏字一家3口。
Photo from Leanne Fu 符曉薇 Facebook

由有BB的喜悅至被逼接受失去小朋友,更要立刻接受手術,Leanne坦言自己心情大起大跌:「好記得嗰日係6月1號,我地緊急入院做手術,醫生話係宮外孕爆咗輸卵管,醫生都有畀我揀切除定修補,上網睇原來好多媽媽都有同樣經歷,醫生亦有講修補咗都比較大機會再破裂,亦見到網上好多人分享真係同一位置宮外孕,所以最終我決定切除(左邊輸卵管)。」

Leanne一直想為女兒添弟弟或妹妹。
Photo from Leanne Fu 符曉薇 Facebook

廣告
廣告

手術過後,失去BB的陰霾仍在,Leanne指自己當時心情低落,坐小月期間會不停胡思亂想:「做完手術後諗咗好多嘢,知道無咗後好失望又好失落,好失望係大家咁開心後落空,好失落係我哋真係好想多一個BB陪Abigail,大家有個伴。好記得當時做完手術,我諗BB可能仲喺度、可能只係爆咗輸卵管,我畀咗好多可能性自己…」

Leanne手術後的照片。
Photo from Leanne Fu 符曉薇 Facebook

醫生告訴 Leanne,有過一次宮外孕就較大機會出現第二次, Leanne亦沒有掩飾自己的擔憂:「如果問我會唔會驚咗懷孕?係有嘅,因為有第一次比較大機會有第二次宮外孕,醫生話其實三個月後已經可以再試造人。身體上OK但心態上其實未準備好,聽到人哋叫我地快D有BB會覺得好討厭。」

陳柏字和太太感情深厚。
Photo from Leanne Fu 符曉薇 Facebook

後來Leanne獲一名經歷過兩次宮外孕,最後亦成功懷孕的好友安慰及鼓勵下,漸漸走出陰霾。她更在影片中指,網上有相關經歷的人帶給她的鼓勵和資訊,是她能順利走出來的關鍵,所以Leanne亦決定拍片,將自己的經歷和同路人分享,同時為所有媽媽及準媽媽打氣!

Text:Mami Editorial
Source:Leanne Fu Youtube

Share to Facebook