【隔離生活】分享1家4口駿洋邨隔離實況 港爸:畀小朋友知道凡事唔係必然

【隔離生活】分享1家4口駿洋邨隔離實況 港爸:畀小朋友知道凡事唔係必然

mami熱話 家庭關係 健康頻道
BySarah on 29 Jul 2020 Digital Editor

本港新冠肺炎(武漢肺炎)疫情嚴峻,連續7日確診個案過百,更有不少人因與患者有緊密接觸而需接受隔離。近日就有一位網民在社交平台發帖,分享隔離的生活點滴,同時感謝醫護及民安隊隊員等工作人員。 

駿洋邨。
Photo from 巴打絲打 Facebook Club

上周五一位爸爸在「巴打絲打 Facebook Club」發帖,指因有同居家人確診,雖然一家四口並無病徵,仍需到駿洋邨隔離中心隔離14日,於是發帖「分享少少經驗」,讓「大家有個心理準備」。 這位爸爸指他們是一家四口,兩大兩細,被獲派兩房單位。以下是隔離單位的情況: 

廁所情況。
Photo from 巴打絲打 Facebook Club

一、冇冷氣、冇雪柜、冇洗衣機(因為係新公屋,準備交樓俾租客,所以可以理解)
二、手機網絡接收差(我用1010,長期得2格)屋內有wifi提供
三、有床板、床墊、床單提供
四、每日免費提供3餐
五、可whatsapp中心提供你想要嘅物資(如:杯麵、紙包飲品、水、廁紙)
六、有電視提供,可以連接HDMI,可以帶PS4 / Switch
七、水果不定時由社署提供
八、我唔知有冇洗衣液提供,因我本身自備咗納米樂,再用個厚身膠袋裝水手洗洗衫,有衣架提供晾衫(可要求提供膠盆和洗衣液)
九、單位內有窗簾
十、冇冷氣係大家最大嘅問題,但真係會慢慢適應,一日起碼沖幾次凍水涼,同埋因為都唔會出街,所以就咁著條短褲就算,又可以洗少啲衫 又可以涼啲。
十一、有專車會接送到隔離中心
十二、有小朋友嘅家庭一定要帶玩具(小型game、畫畫等)
十三、我自己帶咗好多嘢... (空氣清新機、supplement、牙膏、牙刷、洗頭水、梘液、大量食糧、水果、毛巾、衫褲、吹氣sofa、風扇、switch、小朋友玩具、消毒啫哩、乾濕紙巾、拖鞋、床單、枕頭袋、拖板)
十四、拖板、冷風風扇好重要
十五、單位有提供牙膏、牙刷、抹面毛巾、杯、叉、匙羹、碟、電視、風扇、wifi、枕頭、床墊、床單、衣架
十六、指定牌子M巾 / 尿片 / 兒童學習褲,要whatsapp中心向社署申請訂,需要兩三日時間
十七、有電熱水爐提供 

廣告
廣告

廚房。
Photo from 巴打絲打 Facebook Club

爸爸分享的餐點。
Photo from 巴打絲打 Facebook Club

 這位爸爸表示自己並沒有當度假,只希望分享經驗,讓大家能有心理準備,也預先知道有甚麼需要準備。爸爸亦強調:「心態好重要,尤其有小朋友嘅家庭,父母對今次隔離嘅心態好影響小朋友。」 隔離期間的三餐選擇不多,但爸爸認為對小朋友來說亦是一次很好的體驗:「俾小朋友知道凡事唔係必然,冷氣唔一定有,好食又一餐,唔好食又一餐。」

可晾衫。
Photo from 巴打絲打 Facebook Club

最後這位爸爸亦對負責的相關人員表示感謝:「我哋一家人衷心多謝你哋為我哋提供物資同食物,知道近幾日都好多case,工作量大增,所以我哋會感激你哋嘅付出。」 

Text:Mami Editorial

Share to Facebook