【小一派位2020】家長籲停止標籤「寶校」、吵着要「脫寶」　感慨直言：我哋無資格去踐踏學校嘅付出

小一派位結果早前出爐，有人獲派首三志願而開心，亦有人被派到坊間所謂的「寶校」。最近一名家長在網上發帖，希望大家不要再將某些學校標籤做「寶校」，更加不要因為子女被派到「寶校」，就呼天搶地不斷抱怨。

Photo from MamiDaily

這位家長以「己所不欲，勿施於人」來展開呼籲，勸家長們「如果你都唔希望被陌生人label你唔好、唔得、唔掂，就唔好再label『寶校』，唔好呼天搶地話唔好彩、要『脫寶』……」

因為她覺得，即使是別人眼中的「寶校」也好，其實都盛載着職員、學生、家長一起付出的努力和心血。不少校長和老師更是在有限的資源和扭曲的制度下，盡他們最大能力為學生建立最理想、最愉快的學習環境。

延伸閱讀：
【小一統一派位】七成二人獲派首三個志願學校　教育局：自行分配＋統一派位整體滿意率85.4%

Photo from MamiDaily

她更指派位結果不理想的話，家長先應該好好反思：「作為家長，如果統一派位未如理想，需要叩門，有無反思喺準備升小一嘅過程中，由瞭解小朋友需要及程度，同幼稚園交流，到瞭解區內學校，自行選校到統一派位編排，自己有無值得反思及進步嘅地方？」

最後她更再次苦心呼籲：「希望家長們都負起教育下一代嘅天職，以身作則，同新學校互助合作，為小朋友嘅愉快學習共同努力。」

延伸閱讀：
研究：選對了學校 孩子收入或更高

Photo from MamiDaily

以下為全文內容：

己所不欲，勿施於人。
如果你都唔希望被陌生人label你唔好、唔得、唔掂，就唔好再label「寶校」，唔好呼天搶地話唔好彩、要「脫寶」……
你口中嘅「寶校」，有過千嘅教職員、學生同家長嘅共同付出同建立，你知道嗎？
好多校長、老師付出好大努力，喺扭曲嘅制度同有限嘅資源下，為小朋友建立最合適嘅愉快學習環境，我哋無任何資格去踐踏全間學校上下嘅付出。
每人各有喜好，你唔鍾意嘅學校唔等於係寶校。
作為家長，如果統一派位未如理想，需要叩門， 有無反思喺準備升小一嘅過程中，由瞭解小朋友需要及程度，同幼稚園交流，到瞭解區內學校，自行選校到統一派位編排，自己有無值得反思及進步嘅地方？
希望家長們都負起教育下一代嘅天職，以身作則，同新學校互助合作，為小朋友嘅愉快學習共同努力。
祝願 有教無類 家校相長 愉快學習 身心健康
我都係家長 上

Text: Mami Editorial
Source: 46/48校網小學關注組facebook