【2個半月到港】好工人唔易搵!媽媽分享網上請外傭要求+處理文件注意事項

【2個半月到港】好工人唔易搵!媽媽分享網上請外傭要求+處理文件注意事項

爸媽分享 新手媽媽

有得揀先係老闆-如何主動出擊搵多啲外傭姐姐喺手慢慢揀?(下)

各位父母對於請好姐姐嘅需求實在太太太大喇,本地完約外傭好揀工?驚「本地」太醒目,想請「海外」過嚟自己慢慢教?上篇應承咗大家,會詳細講下我係點樣自己上網搵到而家個好姐姐、點樣搵海外姐姐進行Direct Hire。其實坊間都有啲apps可以俾僱主同姐姐自行配對嘅,但我當時就貪方便上Facebook嘅群組搵,(群組名稱我唔公開講,不過可以俾個keyword大家自己search下-“domestic helpers”)輸入關鍵字之後就會有幾個相關嘅群組彈出,大家就自行選擇入邊個群啦。

總之我會盡量寫到高要求啲、嚴格啲(我覺得上述已經係高要求)
Photo from MamiDaily

然後我就喺群組入面出個post,寫下我想搵一個點嘅姐姐,以下係我當時的部份要求,比大家參考吓:

1. 在新加坡/香港完成合約(FINISH contract in Singapore / HK)

2. 願意跟長輩合作(Willing to work with grandparents)
其實只係最初有派家人來𥄫實,好快就得返佢單獨湊b。

3. 跟孩子同房 (Share room with baby)
(事實上嚟到係姐姐自己一間房,不過我唔想佢太早知)

4. 誠實、樂觀、懂得煮中餐 (Honest, Cheerful, know how to cook Chinese dishes)
PM傾嗰時我有叫姐姐send啲煮食作品相睇睇。

5. 可於週日以外的日子放假(Not a must on Sunday off)
講係咁講啦,點會唔放星期日~放平日邊個湊仔。

短短幾日我已經收到接近80封申請
Photo from MamiDaily

總之我會盡量寫到高要求啲、嚴格啲(我覺得上述已經係高要求),然後就等啲姐姐PM申請。有部份姐姐好專業㗎,佢哋會直接send份CV過嚟,入面有佢哋嘅日常生活照片啦、識做啲咩家務啦、過往工作經驗同reference letter等等。

短短幾日我已經收到接近80封申請,然後我就簡單睇吓佢哋嘅相片同工作經驗符唔符合我家庭需要,再挑選部份適合嘅姐姐做視像interview。有冇In到眼都花?係冇嘅,因為同香港人見工唔同,問嘅嘢簡單好多,而且正常嘅姐姐其實好少,大部份姐姐你傾半分鐘已經知道係唔適合,咁就可以直接話有消息再聯絡佢,然後收線,所以都唔算花好多時間去揀。

我就簡單睇吓佢哋嘅相片同工作經驗符唔符合我家庭需要
Photo from MamiDaily

廣告
廣告

我好快就已經揀中咗而家個姐姐,繼而就係揀一間盡責嘅Agency幫我搞文件,正所謂貨比三家,我行多步,足足搵咗四間公司去做比較:

1. 價格
我要比幾多?姐姐要比幾多?

2. 所包內容
有啲包驗身、有啲包機票。我揀咗間乜都唔包,因為驗身我想另外揀間好啲嘅診所,唔想求其!

3. 處理Direct Hire嘅經驗
我自己都第一次咁請,如果連Agent都唔清唔楚就大獲啦,所以我查詢嘅時候會問多啲嘢,睇下佢哋識唔識答、清唔清晰。

有啲包驗身、有啲包機票。
Photo from MamiDaily

有啲Agency係要僱主畀晒香港同菲律賓嘅費用(約1萬),而我揀嗰間就係我同姐姐AA制,我負責香港(約4千)、佢負責菲律賓(約3千),咁揀唔係因為我想慳錢呀,而係我想多個保障,因為太多姐姐嚟香港免費Working Holiday啦,而如果姐姐係有心嚟工作嘅,照常理應該願意負責自己費用吖?咁最少我唔使驚佢反口唔上飛機啊。

*溫馨提示,Direct Hire 畀晒錢之後,如果姐姐走佬唔上機,Agent係無責任、唔會退錢。

簽完約就等香港同菲律賓兩邊處理文件
Photo from MamiDaily

簽完約就等香港同菲律賓兩邊處理文件,不過期間我都好忙㗎,要自己搵驗身診所(約8百)、了解吓幫外傭預約身分證嘅流程。(好似都要幾百蚊?唔記得咗)

最後我大約等咗兩個半月,姐姐就齊文件可以嚟香港啦!我再上網買埋機票就搞掂(約2千)!

*以上資訊只供參考。

Text:詩寧

Share to Facebook