深宵總聽到葛葛聲 爸爸訓覺好嘈？打鼻鼾易有睡眠窒息症和老人痴呆

媽媽其實好慘，除了夜晚要餵BB飲奶之外，仲有好大機會畀訓係隔離嗰位嘈醒，搞到成日都唔夠訓，但媽媽們要留意一點，如果身邊個位平時無乜點打鼻鼾，但隨著日子過去就愈來愈大聲的話，就要小心可能係睡眠窒息症。

相信有不少媽媽都曾聽過「葛葛聲」又或者「口擘擘」，這些都是呼吸不暢順的症狀，由於空氣從鼻到氣管的入口，其中有任何一部分在睡眠時出現受阻便會出現以上的情況，形成打鼻鼾的聲音，而且當氣管阻塞得愈利害鼻鼾聲便會越大;雖然如此，打鼻鼾又不一定會患上睡眠窒息症，但若然日間經常有渴睡及嚴重鼻鼾的問題便要留意。

在香港睡眠窒息症日漸普遍，目前約有4%男性及2%女性均患有此症，而有部份的患者更會在睡覺時間歇性地停止呼吸，並達十秒以上，嚴重更會每小時出現近二十至三十次，細心想想，光是一晚便有可能超過百次，而且這樣睡覺只會越睡越累。

外國有研究指出，打鼻鼾不但會影響睡眠質素，誘發患睡眠窒息症，還會提高患認知障礙症（即俗稱的老人痴呆）的風險，主要是因睡眠時由於呼吸系統頻繁郁動，導致低氧血症（即係血液入面含氧不足），竪日睡醒都會感到難以集中精神，記憶力和專注力都會變差，因而誘發出認知障礙症。

Text: Mami Editorial