【卸貨記錄】伊利沙伯醫院 三小時快速生產記!

【卸貨記錄】伊利沙伯醫院 三小時快速生產記!

爸媽分享

合桃酥出世4個多月後終於有時間打番當天生產的經歷,很害怕1年、5年、10年後會慢慢淡忘,因此當然要記錄一下啦!還記得原本打算前1後9放我的產假,點知29號最後一日上班,30號合桃酥就趕住出世,最後造就了我前0後10產假。好~講番當天仍然歷歷在目的畫面!

30號的早上,那天是39wk1d,我跟爸爸及家姐忙著處理家中的緊要事,大約在中午12點左右,開始先有著很急很急的感覺(由於已經有幾天沒有大便了哈)所以也以為是大便啦吧。點知坐了很久也沒有便便,那就放棄吧。之後肚就開始3-4分鐘痛一次,每次大約痛20秒左右 但果種痛是接受到的對於我來說,由於家中要緊要事處理,所以我也沒有跟家人說,堅持裝著沒事(現在想起都覺自己很厲害!)

直至到回到娘家,肚就開始愈來愈痛了,大約中午4點左右,見紅啊!終於就叫我家姐陪我去QE,同時我打比老公叫佢拎走佬袋係醫院等,而我亦沖埋涼先去醫院!

由於一直QE覆診,所以呢個時候直接去B座4樓登記先,家姐在外面等。我就自己入去做了基本既檢查,但短短檢查了一陣,我已經痛了3-4次,姑娘話仍未開度數,再問埋我d基本問題就叫我去C座2樓產前病房。

一到了C座2樓產前病房,姑娘叫我換衫,家姐就幫我辦理入院登記手續,之後駁上了胎心機,是用來監察住bb既心跳和我陣痛既指數。我一陣痛,指數就不停向上升,一不陣痛,指數就會下降。大約晚上6點左右,老公都來咗!呢個時候就真正感覺到好痛好痛,痛到出晒汗,好期待唔陣痛嗰一刻,好彩當時是探病時間,所以老公同家姐都可以留係病房照顧我,否則我自己要一個孤軍作戰!

到醫院派飯時間,我已經食都食唔到,派飯姐姐叫我食多啲先有力生,但我一食就痛,家姐、老公一個餵我食飯,一個幫我抹汗!派飯姐姐教我一痛就吸氣之後好似吹蠟燭呼氣咁,我好努力跟佢指示,但真係好痛,心諗點做呀?老公就係咁同姑娘講我好痛,但姑娘叫我有好急屎感覺先再叫佢啦。

大約晚上7點零,我就真係感覺到好急屎好急屎!7點半左右,咇一聲,啊!穿羊水啊!我仲以為自己屙咗臭臭,幾個姑娘即刻嚟到,就話我開左4度,叫我過床去產房!但要自己落床去隔離張床推我過去。媽的啊!痛到點自己過床,但忍住,一鼓作氣跳過去!之後姑娘推我去搭電梯去產房,呢個時候已經開左7-8度,姑娘都話咁快啊!

大約晚上7點40-45分我已經到產房,去產房途中,我已經好想好想屙,但姑娘係咁叫我唔好用力,因為未開哂十度,「夾硬」生對bb都好危險,叫我忍忍忍,同叫我吸氣吹蠟燭呼氣。

廣告
廣告

入到產房就比左個笑氣我,之前聽人講笑氣冇用,但對於我來說很有用!我要拎住佢先捱到,我心諗點解老公仲未入黎呢?之後聽番老公講,原來姑娘話要set好儀器,叫佢15分鐘後就再敲門啦!

入到去一陣,都未夠15分鐘,我已經開晒10度!之後平時幫我產檢既助產士入左黎幫我接生 我本來好亂好亂,但聽到佢把聲,我即刻冷靜咗,仲聽了佢指示,姑娘叫我用力生,同時叫我老公入咗嚟,用咗力2下,晚上7點58分,bb出世了!

姑娘之後幫我縫埋針,再放bb伏在我心口,今次生產終於完結了!

沖完涼涼,靚仔晒!

總結:5點入院,8點就出了世,好感恩!感恩合桃酥好錫我,可能我陀bb咁耐,日日都行好多路,直到生嗰一日,我都繼續行好多路!

==============================
Text & Photos:90後媽媽~Wawa酥媽

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到:[email protected] 我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

🤱🏻 追蹤我們的 Instagrammamidaily.hk看更多育兒教育資訊

🔔 訂閱MamiDaily 親子日常 YouTube頻道

Share to Facebook
Our Facebook Videos
我們的 Facebook 影片
You may also like
你可能也喜歡
【產後休養】新手媽媽順產誕寶寶縫20針 豬隊友竟霸醫院床稱「要補眠」
家庭關係
6 hours ago
【產後休養】新手媽媽順產誕寶寶縫20針 豬隊友竟霸醫院床稱「要補眠」
【育嬰貼士】每次洗澡大哭大叫令媽媽手足無措   可能是新手爸媽做漏一件事
爸媽分享
17 hours ago
【育嬰貼士】每次洗澡大哭大叫令媽媽手足無措 可能是新手爸媽做漏一件事
【好書推介】為了隱藏一個小污點,你的人生因而被拖垮了?
爸媽分享
17 days ago
【好書推介】為了隱藏一個小污點,你的人生因而被拖垮了?
【幼兒睡眠】為何寶寶睡醒發脾氣?專家話你知4大原因!
bloggers
17 days ago
【幼兒睡眠】為何寶寶睡醒發脾氣?專家話你知4大原因!
【親子教養】學習需要沈澱時間
爸媽分享
20 days ago
【親子教養】學習需要沈澱時間
【親子好去處】中秋活動~放天燈 +掘芋頭 +整月餅
爸媽分享
22 days ago
【親子好去處】中秋活動~放天燈 +掘芋頭 +整月餅
Hottest Articles
最熱文章
【身體語言】扯頭髮是BB喜歡媽媽的表現?5種寶寶表達愛的小動作
育嬰貼士
2 days ago
【身體語言】扯頭髮是BB喜歡媽媽的表現?5種寶寶表達愛的小動作
【夫妻關係】研究:產後2年僅3成媽媽仍愛著丈夫 老公無做好「爸爸」令人心淡
家庭關係
2 days ago
【夫妻關係】研究:產後2年僅3成媽媽仍愛著丈夫 老公無做好「爸爸」令人心淡
【颱風露營】16人颱風前夕到沙灘露營受困 花逾$20萬救援費被怒批:全民埋單
mami熱話
a day ago
【颱風露營】16人颱風前夕到沙灘露營受困 花逾$20萬救援費被怒批:全民埋單
【坐月洗頭】奶奶憂沖涼時間太長會受寒影響生二胎 擅自剪短新抱頭髮掀世界大戰
家庭關係
2 days ago
【坐月洗頭】奶奶憂沖涼時間太長會受寒影響生二胎 擅自剪短新抱頭髮掀世界大戰
【爸媽睡眠】研究發現男人當爸後睡眠質素不受影響 多孩媽媽比新手媽媽睡得更差
家庭關係
a day ago
【爸媽睡眠】研究發現男人當爸後睡眠質素不受影響 多孩媽媽比新手媽媽睡得更差
【孤寒奶奶】新婚夫婦自資包辦婚禮擺酒 奶奶歪理要求取回男家人情
家庭關係
2 days ago
【孤寒奶奶】新婚夫婦自資包辦婚禮擺酒 奶奶歪理要求取回男家人情