【生產過程】地獄黑仔33小時(二)

【生產過程】地獄黑仔33小時(二)

爸媽分享 bloggers

個個媽媽都話:一孕傻三年。我絕對認同,因為生產時所經歷過嘅痛苦都好似唔多記得,只係記得好辛苦同好想不如一槍打死我,所以我都係憑模糊嘅記憶打呢篇野出來。 入院時大概係下午5點。喺產床上休息左一陣之後,助產士就幫我上水球,先將導管塞入去,再用水充滿個汽球,等子宮頸變薄。

1584410847474089878631_2685247978371054_2384501182006558720_n

開頭都仲頂得順,係子宮入面感覺到有d壓力,但都係唔好受,加上又會有少少宮縮。 但內診先至係最難頂,俾人成隻手隊入去撩,頓時覺得做女人好可憐。

喺呢33個鐘頭入面,總共換左三team人,而好不幸地呢三team人都有問題。

第一team的助產士話我知我已經開了8.5cm,我以為幾個鐘之內可以卸貨,所以我就死頂齋食止痛藥,夾硬食左冷冰冰嘅三文治同沙律加幾舊餅做晚餐。

加上隔離房係咁傳出慘叫聲,但我知道,9嗌是沒有用的。成晚勉強地叫做訓下又醒下補充體力。

誰不知第二朝早痛到扒街嘅時候第二team人話我只開了4cm,我即刻崩潰了,頂左咁耐,個子宮頸會收翻細嗎?我同家人一再追問,醫生都只係話因爲個助產士係新人同子宮頸有彈性而有誤差。

到左嗰一刻我已經唔理,即刻叫助產士俾我試晒所有止痛options,鴉片類止痛貼、笑氣完全沒有用,笑氣仲要有陣臭膠味。試埋坐健身球碌碌下、沖熱水涼都係無用,仲要一路沖一路成個人痛到震一路喊,嗰個moment絕對係人生最慘。到了差不多24小時,助產士再幫我內診,但子宮頸只係開多了0.5cm,我真係頂唔順了, 我知道我一定要打無痛,如果唔係咁搞法我到時一定無力push。

我好決斷同助產士講我要打無痛,同時我都好無奈點解第一team人可以咁都可以錯得,如果我知道我有排都未生得,我一定會早d上無痛。

點知奶奶同我媽講話唔好上無痛啦對bb唔好,仲以為外國人會開通d。好彩我阿媽話:呢樣係佢自己話事,你同我都無權出聲。我終於明白新抱永遠都係外人呢個道理,係阿媽先會體會到自己個女嗰種辛苦,所以嗰個moment我係勁嬲佢地全家。

麻醉師來到我床邊同我解釋個流程同可能嘅副作用,但我一句都聽唔入耳。快快手簽完字著好袍消毒完,我就坐喺床邊捉實我阿媽隻手等上麻醉。

廣告
廣告

陣痛都愈來愈強烈,所以我都好慶幸我決定要上無痛。我訓喺我媽膊頭咬牙死忍住陣痛一路揸實我媽對手頂住唔郁,因為我知可能有癱瘓嘅風險。
正當我以為順利搞掂晒,點知麻醉師有d口疾疾同我講,佢應該有少少插深左,所以我之後可能會有d副作用,我心諗俾我抖下好嗎?但喺嗰一刻我都已經痛到想死唔理得咁多。

上完麻醉會有個泵俾你自行加藥,但只會比你特定劑量,所以你死噤難噤都唔會overdose。之前上網睇過如果劑量太高的話有可能延長產程甚至用唔上力push,所以我都控制住自己唔好太貪心。

麻醉kick in左之後感覺簡直由地獄直上翻人間,只會感到子宮抽搐但完全無痛感,終於可以好好休息一下。

之後夜晚到第三team人交更,可能佢唔想翻夜更,又有可能有歧視成份,助產士一來到就已經態度麻麻,又話上一手人無交帶,我媽好聲好氣問佢問題又扮聽唔到,反而我鬼佬老公同佢講野就問一句搭十句咁。

我已經成日無食過野,但打完無痛醫生又話唔可以食野,所以阿媽就用水溝稀小小蘋果汁我飲,成個下午痛到出晒汗成個人虛脫,所以我一個唔覺意飲左幾杯。

因為藥物嘅副作用加上突然咁多液體喺胃,搞到我忍唔住好似噴水池咁嘔晒落床。我心諗今舖大獲了,個助產士已經唔likey我,仲要俾麻煩佢。

我已經係咁say sorry不過個助產士都係黑口黑面,又一野推起我撻翻底完全無視我背脊上面嘅導管,加上佢換床單時仲整斷埋自己手鍊,睇怕今次我都係無運行,準備俾佢喺下面剪多幾刀都似。

但自問都好有禮貌,因為本身都係藥劑師,有見識過衰客有幾衰,所以我都成日唔該前唔該後,又同d姑娘助產士話唔好意思要麻煩你地,希望佢地對我同bb都會caring d。唔通因爲我不是本地人?但我都係有工作有交稅,唔明為何我會受如此對待。

 

🤱🏻 追蹤我們的 Instagrammamidaily.hk看更多育兒教育資訊

🔔 訂閱MamiDaily 親子日常 YouTube頻道

Share to Facebook
Our Facebook Videos
我們的 Facebook 影片
You may also like
你可能也喜歡
【育嬰貼士】每次洗澡大哭大叫令媽媽手足無措   可能是新手爸媽做漏一件事
爸媽分享
2 days ago
【育嬰貼士】每次洗澡大哭大叫令媽媽手足無措 可能是新手爸媽做漏一件事
【好書推介】為了隱藏一個小污點,你的人生因而被拖垮了?
爸媽分享
18 days ago
【好書推介】為了隱藏一個小污點,你的人生因而被拖垮了?
【幼兒睡眠】為何寶寶睡醒發脾氣?專家話你知4大原因!
bloggers
18 days ago
【幼兒睡眠】為何寶寶睡醒發脾氣?專家話你知4大原因!
【親子教養】學習需要沈澱時間
爸媽分享
22 days ago
【親子教養】學習需要沈澱時間
【親子好去處】中秋活動~放天燈 +掘芋頭 +整月餅
爸媽分享
24 days ago
【親子好去處】中秋活動~放天燈 +掘芋頭 +整月餅
【親子教養】「孩子不肯戴口罩,怎辦?」
爸媽分享
a month ago
【親子教養】「孩子不肯戴口罩,怎辦?」
Hottest Articles
最熱文章
【颱風露營】16人颱風前夕到沙灘露營受困 花逾$20萬救援費被怒批:全民埋單
mami熱話
2 days ago
【颱風露營】16人颱風前夕到沙灘露營受困 花逾$20萬救援費被怒批:全民埋單
【爸媽睡眠】研究發現男人當爸後睡眠質素不受影響 多孩媽媽比新手媽媽睡得更差
家庭關係
3 days ago
【爸媽睡眠】研究發現男人當爸後睡眠質素不受影響 多孩媽媽比新手媽媽睡得更差
【高需求寶寶】愛哭黏人又敏感?9大特徵辨識高需求孩子! 6教養貼士和孩子共同成長!
育嬰貼士
2 days ago
【高需求寶寶】愛哭黏人又敏感?9大特徵辨識高需求孩子! 6教養貼士和孩子共同成長!
【產後休養】新手媽媽順產誕寶寶縫20針 豬隊友竟霸醫院床稱「要補眠」
家庭關係
2 days ago
【產後休養】新手媽媽順產誕寶寶縫20針 豬隊友竟霸醫院床稱「要補眠」
【育嬰貼士】每次洗澡大哭大叫令媽媽手足無措   可能是新手爸媽做漏一件事
爸媽分享
2 days ago
【育嬰貼士】每次洗澡大哭大叫令媽媽手足無措 可能是新手爸媽做漏一件事
【車廂飲食】理直氣壯讓小學兒子巴士上進食被投訴 媽媽不滿︰小朋友餓暈邊個負責?
mami熱話
a day ago
【車廂飲食】理直氣壯讓小學兒子巴士上進食被投訴 媽媽不滿︰小朋友餓暈邊個負責?