【仁安醫院生仔記】自然分娩定開刀？一切都由BB話事！

自驗孕棒顯示「Pregnant」開始，就好似坐過山車一樣刺激。除了要面對整個孕期的各種不適，還要面對大大小小的檢查，直頭是過五關、斬六將，媽媽其實真係唔易做！一直都打算自然分娩，一方面希望可以盡快復原，另一方面深信自然分娩對BB有不同好處，所以每天都勤力散步和做瑜珈，為自然分娩的路努力。

Jasper少爺應該好食好住，每次產檢醫生都說頭圍和肚圍都大了兩週，預計起碼有7-8磅。誰知等了又等，臨近due day兩星期前已開始日日食西瓜、腐竹蛋同綠豆沙。醫生曾叮囑如果依情況計算，BB到預產期起碼有8磅或以上，由於頭圍較大，自然分娩並不容易，誰知到了due day還是未有動靜！由於想一切順順利利，最後於due day當日產檢時，還是決定了剖腹，confirm了開刀日子和時間。但計劃總是趕不上變化⋯⋯

決定了開刀的第二天，早上如常起身食早餐，誰不知吃過早餐後，感覺到有股暖流，馬上上廁所檢查，發現見紅了⋯⋯急急拍醒熟睡中的老公，致電醫生，極速梳洗後馬上出發到仁安醫院。到達醫院，護士準備了輪椅推我上樓等候檢查，由於入院時間跟原本的不同，所以會視為緊急開刀情況，有大概HKD4000的緊急開刀費，原先預約的床位已full，所以升級至半私家房，所有收費都會跟隨半私家房。

接下來就是檢查，姑娘會先檢查宮頸度數，當時我並沒有感到陣痛，只是流鮮血，檢查後只開了一度。之後會轉到另一個房間聽胎心，大概30-45分鐘左右完成，完成後就會被安排到房間，等候確認手術室同開刀時間。開刀前是不能進食的，連水都不能喝，早上吃了半份早餐就要撐足大半天。等待期間只可聽下歌睇下電視，差不多時間到，姑娘會準備好手術的衣服。

時間到了，入手術室期間老公比我還要緊張！事實上我都有點緊張，因為就快可以見到Jasper少爺！打過麻醉藥後，下身漸漸發麻，麻醉師不停用力推個肚，最後一下講左句「嘩！好大個頭呀！」然後就聽到Jasper少爺喊聲，鬆左一口氣！接下來姑娘會抱BB比爸爸剪臍帶，影張全家福，之後老公同少爺就會先行離開手術室。

當醫生跟麻醉師都陸續離開時，心想應該好快都可以返上房⋯⋯突然一眾姑娘語氣緊張，討論了一堆我不明白的狀況，推我出觀察區時還急CALL醫生回來。在外面等候的老公見醫生換衫走了，又再回來換上手術衫，嚇到得返半條命！原來因為子宮撐得太大，未能即時收縮導致不停出血，經醫生開藥及觀察後，最後大概個半鐘左右終於推返上房觀察，總算平平安安！

無論自然分娩還是剖腹，看似是我們可以話事，事實上當中的變數往往都是難以預計！每個媽媽都搵命搏的，今次雖然有段小插曲但總算能順順利利卸貨，因此相當感恩了！所以呢，準媽媽們都不用太擔心順產好還是剖腹好，只需要輕輕鬆鬆享受懷孕與生產的過程就好了！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Text & Photos：Jasper 少爺の日常

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到：[email protected] 我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！