【卸貨記錄】屯門醫院48小時食盡全餐生產記(下)

【卸貨記錄】屯門醫院48小時食盡全餐生產記(下)

爸媽分享 懷孕 bloggers 產前產後
By 玥媽 Hey on 11 Mar 2020

第二日,見到旁邊的空床,原來旁邊的媽媽都已經順利落晒產房(仍然係產前房的我表示好羨慕!)

食個醫院早餐,醫生巡房又再一次探宮頸,都係無進展需要繼續駁機檢查。姑娘來來回回咗半個鐘,得到的答案係數據都係唔靚,原來心跳要處於150/分先叫合格,真係好擔心!但宮縮明顯地比昨日強烈,玥玥都有喐多咗,只可以同自己講要放鬆心情。

到十一點,姑娘話需要禁食,咩話又禁食?昨日食少咗野已經覺得體力下降,醫院個早餐只係得粥仔,都唔知點頂到生。最後因為冇太大變化,姑娘就安排我要種鹽水豆吊鹽水。呢個時候雖然醫生未話需要催生,但我已經感覺到要食全餐的節奏。

到一點鐘,醫生安排照超聲波,玥玥比預期週數細,而且胎水少,因為宮縮已經成熟,就安排我即時催生。都估到要催生,不過唔驚得咁多,總知煮到埋來就食啦!姑娘話老公可以陪催生,就即刻通知老公,而姐姐就幫我執野落去T7產房。

去到T7產房放好行李,入面都幾凍,一路行過都聽到尖叫聲,都咪話唔怕怕。上到床好幾個姑娘對資料駁機,跟住就檢查宮頸同時幫我人工穿水,感覺有一股暖流係下身流出黎,快到都未有心理準備就開始吊催生藥了。之後老公黎到產房坐係度同我傾計,唔夠一陣間已經感覺到陣痛愈來愈勁,產房姑娘話頂唔順可以聞笑氣止痛。咁我就問可唔可以無痛分娩~「星期日無麻醉師呀,如果你痛可以打止痛針,不過你暫時都係聞笑氣先啦!」

15839187514907cbcc2476-0cae-4f51-b325-0a11a6d7e967

過左半包藥,姑娘就建議不如落地「un」吓波啦,「un」吓「un」吓都幾痛,個身又吊住針,最後怕粒豆會甩,唔想再種多次都係上返床痛。

廣告
廣告

眼見個指數吓吓破百,終於都頂唔住要求聞笑氣,的確同上網睇嘅有陣臭膠味,但係我就覺得相當有用,一痛就要大力吸,個人會暈暈地好似恰眼訓咁,有幾吓痛到無停過咁吸,個人真係暈到差少少瞓著左。差唔多吊完第一包藥,痛到好似急急地咁(我係唔係生得啦?!),叫姑娘檢查「唔好意思呀,你一度無開過。」

好絕望!咁我要打止痛針呀!原來醫院止痛針,並唔係你話想打就可以打到,醫生來到:「止痛針對BB心跳唔好唔建議打,一陣觀察下先再打,同你吊第二包藥。」

嗰陣時已經痛咗4、5個鐘,再問「咁我可唔可以直接開刀呀?真係好痛呀!」醫生都好有耐性咁講再試埋呢包啦。第二包藥一開始已經又再破百,到底有幾痛?已經超越「扭毛巾」級數,似係每5、6分鐘就有架火車輾過你子宮。止痛唔打得,姑娘就話不如叫先生幫你按摩啦,醫院會提供精油按背脊,其實嗰陣做咩都無幫助啦~望住玥玥心跳,係好痛不過個心更加想痛得長啲!

夜晚十一點,老公行開食少少嘢,醫生突然入黎講唔得啦,你要緊急開刀攞出黎啦(我心諗:咁突然?我情況好危急?)

半醒半暈之下,見到成5、6個姑娘準備文件,打電話叫麻醉師,醫生旁邊講解風險同要我自己簽文件,另一個姑娘畀個電話我,手震震咁打畀老公通知做手術,再插好尿喉。麻醉師黎到簡單講一次半身麻醉程序,就將我過床推入手術室。

到手術室再種多個豆,飲左杯野中和胃酸,跟住麻醉師指示彎到成個蝦米咁,係背脊表層打麻醉,然後再打支大麻醉,陣痛頓時停止!

麻醉師會噴冷凍劑測試仲有冇知覺,冇就可以開始做手術。雖然有塊布擋住,但都會聽到醫生講野,同感覺到拉扯你既皮膚,成個過程唔洗10分鐘玥玥就出世了:「恭喜哂媽媽,B囡11:56分出世,重2.56Kg」。

聽到佢喊聲都忍唔住好似爆水喉咁喊,玥玥出世太輕的關係,需要短暫訓箱等兒科醫生檢查。而我終於結束左呢段48小時既地獄生產經歷!

以為完咗?產後房先係另一個地獄的開始!

==============================
Text & Photos:玥孩兒成長記 寶寶教會媽媽的事

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到:[email protected] 我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

🤱🏻 追蹤我們的 Instagrammamidaily.hk看更多育兒教育資訊

🔔 訂閱MamiDaily 親子日常 YouTube頻道

Share to Facebook
Our Facebook Videos
我們的 Facebook 影片
You may also like
你可能也喜歡
【胎位不正】一文睇胎位異常6大原因+常見姿勢及影響! 胎兒有機會在預產期前調整正常!
產前產後
5 hours ago
【胎位不正】一文睇胎位異常6大原因+常見姿勢及影響! 胎兒有機會在預產期前調整正常!
【親子教養】孩子口說「對不起」 心裏卻不知犯錯  小心勿讓道歉公式化 給時間自省
爸媽分享
2 days ago
【親子教養】孩子口說「對不起」 心裏卻不知犯錯 小心勿讓道歉公式化 給時間自省
【育嬰貼士】BB睡眠倒退 深夜吃飽奶仍不肯睡? 家長無覺好瞓超崩潰
爸媽分享
3 days ago
【育嬰貼士】BB睡眠倒退 深夜吃飽奶仍不肯睡? 家長無覺好瞓超崩潰
【兒童視力】新學年即發現兒童近視急增逾百度  6成高小生需戴眼鏡  控制近視不宜遲
爸媽分享
8 days ago
【兒童視力】新學年即發現兒童近視急增逾百度 6成高小生需戴眼鏡 控制近視不宜遲
【腦部發展】擁抱、複誦有助孩子大腦發展?哈佛博士:家長最易忽略的8個好習慣!
育嬰貼士
11 days ago
【腦部發展】擁抱、複誦有助孩子大腦發展?哈佛博士:家長最易忽略的8個好習慣!
【媽媽心聲】帶住小朋友嘅媽媽比較好恰嗎?  媽媽們要團結起來,在外要互相幫助!
爸媽分享
11 days ago
【媽媽心聲】帶住小朋友嘅媽媽比較好恰嗎? 媽媽們要團結起來,在外要互相幫助!
Hottest Articles
最熱文章
【校園霸凌】幼稚園男童意外在尿兜內大便 老師要求小朋友徒手撿回拍片嘲笑
mami熱話
2 days ago
【校園霸凌】幼稚園男童意外在尿兜內大便 老師要求小朋友徒手撿回拍片嘲笑
【閨蜜捅刀?】媽媽斥單身閨密因妒忌而排擠她 網民反指:換轉是我亦不會再約你
mami熱話
2 days ago
【閨蜜捅刀?】媽媽斥單身閨密因妒忌而排擠她 網民反指:換轉是我亦不會再約你
【婆媳衝突】老公縱容奶奶時常擅闖房間及惡言相向 人妻感動:終於跟媽寶離婚了
家庭關係
a day ago
【婆媳衝突】老公縱容奶奶時常擅闖房間及惡言相向 人妻感動:終於跟媽寶離婚了
【室內遊樂場2021】全港13個熱門兒童室內遊樂場推介! 攀爬跑跳放電好去處!
親子好去處
3 days ago
【室內遊樂場2021】全港13個熱門兒童室內遊樂場推介! 攀爬跑跳放電好去處!
【偉大媽媽】懷上第2胎越佗越老滿臉皺紋 外貌突變老婆婆獲丈夫不離不棄
女性健康
12 hours ago
【偉大媽媽】懷上第2胎越佗越老滿臉皺紋 外貌突變老婆婆獲丈夫不離不棄
【家庭角色】港爸失業做家庭主夫大吐苦水 網民:大把女人係咁冇人替佢哋委屈
家庭關係
a day ago
【家庭角色】港爸失業做家庭主夫大吐苦水 網民:大把女人係咁冇人替佢哋委屈