【武漢肺炎】負責任的父母愛錫孩子外 也請守護別人家的小孩

【武漢肺炎】負責任的父母愛錫孩子外 也請守護別人家的小孩

爸媽分享 mami熱話 bloggers 湊仔經

做個負責任的父母,愛錫自己的孩子,也請守護別人家的小孩!


17年前的沙士,我仲係個學生,咩都唔怕,都無特別緊張。
但而家的新型肺炎,安妮媽媽真係十萬個害怕,因為我有了孩子,又陀住一個將出世,自己同小朋友都要超級小心!

香港人點解今次會咁齊心?係因為我地大部分人都經歷過可怕的沙士!
但我地香港人今次要自己救自己!每人防疫做多一步,對自己負責任,對社會負責任,更加要對前線的醫護人員負責任!

至大年初一、初二快閃拜年後,初三起我地已經決定留家好好自我保護!連樓下的公園都唔敢去。
你可以話我誇張,小朋友係特別矜貴?無錯!每個小朋友係父母心中都係最重要最珍貴的!更何況呢個病毒係具致命性和高度傳染性!我唔想有一絲的鬆懈令自己後悔!

所以,我真切的希望大家懂得互相尊重,如果你地有唔舒服,或無洗手無帶口罩的請不要接近我的小朋友,佢的健康係我地最最最重視的!

請大家做個負責任的父母,自己或帶小朋友外遊後請自行在家隔離14日,齊心守護社區,不要做個自私的人,也不要再增加前線醫護人員的工作,大家要齊心協力,病菌先唔會再進一步擴散!

希望疫症快d結束,醫護人員全部平安健康回家,人人身體健康!

==============================

Text & Photos:安妮媽媽親子日記

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Share to Facebook