成功解決父母煩惱!陳柏宇囡囡出街戴口罩超合作 老婆傳授秘技!

成功解決父母煩惱!陳柏宇囡囡出街戴口罩超合作 老婆傳授秘技!

明星家庭 mami熱話
ByCircleon24 Jan 2020Digital Editor

香港出現武漢肺炎確診個案後,不少人都會戴口罩出街保護自己。要大人戴口罩真係十分簡單,不過要小朋友乖乖聽話戴著出街就有點難,他們經常手多多在公眾地方脫下或亂玩,真的令人很頭痛。昨日,歌手陳柏宇同老婆符曉薇(Leanne)帶同愛女出街時,Abigail竟然很合作戴上口罩,隨即引來不少網民求助

Leanne昨晚在社交平台指有很多人問如何令Abigail乖乖戴口罩,她表示其實起初囡囡都不肯戴。不過她說最重要有耐性,更分享了以下秘訣:「首先我哋個個都戴咗,之後幫佢戴,佢唔肯的話,就放返佢入屋,同佢講佢唔可以出街,可以同佢講byebye、扮閂門。」Abigail當然開始喊,Leanne話之後可以帶佢出門口後再幫佢戴口罩,如果都唔肯就帶返佢入屋,再跟女兒解釋:「爸爸戴、媽媽戴,所以可以出街;Abi都要戴咗先可以出門口!」

歌手陳柏宇同老婆符曉薇(Leanne)帶同愛女出街時,Abigail竟然很合作戴上口罩
Photo from 符曉薇 Instagram

Leanne指「耐性」兩個字真的很重要,需要一直重複以上步驟,直到囡囡肯乖乖戴口罩才出門口。因此看到他們一定昨天外出時,Abigail都乖乖戴著口罩沒除過,相信這個方法一定可以幫到很多爸爸媽媽𠱁孩子戴口罩。

延伸閱讀:
【專訪】陳柏宇自認100分爸爸 不想錯過女兒的成長

新手媽媽符曉薇親身經驗 分享12樣必備嬰兒旅遊用品

不過亦有網民指出Abigail口罩的尺碼有點大、有罅位,提醒他們要幫囡囡綁緊一點或準備一些細點的兒童口罩。

香港出現武漢肺炎確診個案後,不少人都會戴口罩出街保護自己。
Photo from Abigail Instagram

新年到處都人多擠逼,非常時期真的要做足保護措施,跟小朋友外出一定要戴口罩,更重要的是要勤洗手,保持個人衛生!

Text:Mami Editorial

Share to Facebook