【本地遊玩】想慶祝但不方便外遊？住一晚香港親子酒店Hea玩遊戲室

安妮媽媽生日又有個藉口俾自己去玩下，但今年陀住二寶唔去得遠，所以爸爸就Book左間本地酒店輕鬆住番晚。
我地今次係入住荃灣帝盛酒店，佢地主打親子主題房，但好可惜我地去果晚已經訂哂，所以只好Book豪華家庭客房，唔使$700就可以玩兩日一夜仲包自助早餐加遊戲室，真係超抵玩呀！

Day 1 | 5/1
我地搭地鐵到葵芳站，葵芳站旁的新都會廣場有免費專車來到酒店，車程都好快。

酒店免費專車的時間表。

因為我地join左酒店嘅完整26小時入住體驗，好早就可以check in，大家想體驗都可以係確認Book房後申請呀！

豪華家庭客房都幾大，有一張雙人床同一張單人床，洗手間也夠大，整體感覺好乾淨、好舒服。

爸爸仲準備左小蛋糕慶祝安妮媽媽的生日。

也見到酒店送給小朋友的禮物，so sweet～^^

係酒店房玩陣就帶Aidan去參加兒童工作坊整DIY小風車

((工作坊指定日子先有，要先send email向職員查詢先呀！))

因為酒店只得一間餐廳和酒樓，所以Lunch我地去左酒店附近食，但由於酒店附近是工業區，所以酒店好貼心整左張美食地圖俾住客，我地係酒店行落去光輝圍唔使10分鐘，都好方便。

【模擬城市遊戲室】

食完Lunch就去酒店內的兒童遊戲室玩，場地真係超大！

遊戲室以模擬城市為概念，共有5個互動遊戲區，Aidan玩得超開心，我地大人都覺得好好玩，因為每個場景都真係好靚！好逼真！而且設施保養得非常好、好新、每區都好乾淨。

遊戲室非常貼心有提供有鎖的儲物櫃可以使用，大人唔使拎住咁多野，可以安心玩!

入口處是「公主城堡區」，有好多公主裙，又有化妝室，高跟鞋和皇冠飾物等。

第二區係「小小救火英雄」，有制服可以扮消防員，仲有好多工具，Aidan最鍾意呢個區，玩左好多次。

粉色系的波波池，感覺好夢幻呢！

攀爬區有兩條滑梯和攀爬設施，也有兩張Lego枱。

迷你市集內都好可愛呀，有雪糕車，超級市場和診所。

小診所有醫生和護士制服，小朋友著起好可愛呀！

場內仲有好多架車仔，可以俾小朋友沿著地下的行車線去唔同的區玩，男生至愛呀！

玩左兩個鐘，番房訓一陣休息下。

荃灣帝盛酒店對小朋友真係非常好呀，小朋友入住可以憑小明星卡換到免費的雪糕兩杯，更可在6點至7點免費享用糖果吧，所以我地6點就去拎糖果同雪糕喇。

Dinner@Dorsett Cafe，Cafe兩位大人惠顧會送兒童餐一份。

Dorsett Cafe的特色晚餐是懷舊港式鐵板，兒童餐也有好幾款選擇。

我地太肚餓，掛住食忘記影相，哈哈～

*Day 2 | 6/1
係酒店食自助早餐，Aidan自己拎左好多野食。

因為之前抽獎中了一節兒童遊樂區入場券，所以可以再去玩多次，我地今次玩早場，真係小人好多呀！好似包場咁任玩。

臨走前見到酒店已經換上賀年佈置，好有新年氣氛呢！

———————————————-————————-
＊酒店的兒童主題房（官方網站提供）

下次一定要再來體驗下主題房呀，實在太吸引了！

———————————————-————————-
荃灣帝盛酒店「童」玩「童」住家庭住宿優惠套餐：

• 免費享用兒童遊樂區1節* (最多3位每房 / 每晚 )
• 3人早餐
  * 小童可參加「帝盛小明星」計劃兼享獨家住宿禮遇

• 免費雪糕 / 啫喱 (每次免費兌換2份雪糕)
• 凡有兩位大人惠顧Dorsett Café即獲贈Dorsett Café兒童套餐一份
• 免費享用糖果吧 (每日下午6時至7時供應)
• 免費參加兒童工作坊 (指定日期）
• 豪華小童禮包

官方網站: https://www.dorsetthotels.com/en/dorsett-tsuen-wan/index.html

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：安妮媽媽親子日記

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！