【滿月／百日宴】初生BB第一次幾時見人好？百日宴籌備過程

擺滿月定百日宴好呢？

Photo from MamiDaily

我相信好多媽媽爸爸都同我哋一樣會煩惱緊擺滿月酒好定百日宴好？我媽媽話擺滿月比較麻煩，因為晞怡仲細個，比咁多親戚朋友抱下影吓相咁，加上未必個個識抱。而且大部分時間都訓教豬，好難會影到靚相。初生BB飲奶時間又密，就算阿B唔攰，我哋大人都攰啦！奶奶同老爺又冇乜意見，所以我哋決定滿月就屋企人自己食飯，100日就擺百日宴比親戚朋友見下晞怡喇。

身為精明C9當然等到有酒樓有優惠先落訂啦！當時見酒樓就做緊滿月／百日宴嘅優惠，6-8圍就可以送好多野同免加一，但係要親身去Book位睇場地喇。

酒樓Book好左就開始每一個親戚朋友打電話問參唔參加百日宴，名單落實左之後，又要係咁意分下男女家親戚同朋友坐邊一張枱，以免到時尷尬啦。後期功夫就多喇，因為一生人一次，我又唔想比自己有遺憾，所以我就全部親力親為：去訂百日宴蛋糕同曲奇餅、曬相、買相簿、買佈置用品、買曲奇包裝袋、Book攝影師哥哥等等⋯⋯

DIY相簿：

DIY背景：

（曲奇餅係喺餅店訂返黎，唔係親手整，訂左係百日宴前2日拎再自己包裝）

升級左酒樓附加場地佈置，一半佢地幫我整，一半自己整

我覺得我最佩服自己係DIY100日成長片段，每粒字，每首歌都係自己搵自己編輯成條片！

整個產假不斷做做做，雖然辛苦但係好幸福。為囡囡親手做既一切都係值得嘅！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text：晞怡媽媽

Photos：晞怡媽媽 , MamiDaily

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！