【日日玩唔駛讀書寫字？居日媽媽公開日本幼稚園生活！】

By 熙正媽媽 on 19 Dec 2017

我係居日港媽, 有個5歲和3歲的仔仔, 大家可以叫我熙正媽媽, 在這裡我會分享小朋友在日的生活

嫁了來日本不知不覺己經8個年頭了, 期間因為懷孕回了香港2次。因為我和老公都是香港人, 所以小朋友如果在日本出生, 並不能獲發出世紙, 所以無奈地要和老公暫時分開1年, 回港生小孩。現在小朋友己經5歲和3歲了,分別就讀幼稚園高班和初班。

老公和我已經是永久居民 ,沒有入藉, 除了沒有國民投票權外, 我們都會跟日本人一樣,交好多不同稅項和保險, 其實一般國家褔利我們都能享用。雖然我們兩個都是永久居民, 但小朋友出世後都不能立即享有永久居民身份,必須入紙申請, 手續同等候時間都比較長, 首次只能批留日一年, 一年後要再申請, 申請後再可留三年, 三年後才有機會取得永久居民身份。

日本地方好大, 有好多大大小小的公園及遊樂場, 在我家附近小小地都起碼有10個公園仔及遊樂場以上可供小朋友玩耍, 初初來到日本, 都好怕他們全是砂地,泥地, 不似香港個D遊樂場會有軟墊或硬地等等, 所以明白點解日本D 小朋友每次玩完後,衣服都沾滿泥沙。但現在才知道, 可能砂地跌到會無硬地咁痛同無咁容易損。

日本幼稚園好鼓勵小朋友戶外活動, 除了返學個幾個鐘遊戲學習外, 回家後亦最少要有1小時以上戶外活動, 家長每日要講一本圖書, 每晚8時必需要睡覺。幼稚園都不用讀書寫字, 每日都是從遊戲中學習, 初初都很不慣, 怕小朋友將來跟不上, 所以自己都買左好多認字咭, 認字機, 認字圖書 , COPY BOOK等等給他們,但原來佢地一點興趣都沒有, 愈急反而愈反抗, 到最後都是放棄了。

我好開心幼稚園有好多親子活動舉辦, 讓我可以去睇下他們返學的情況, 日本是每年4月開學,在櫻花盛開的季節開學, 心情都特別愉快。每日心想, 不讀書不寫字, 每日都是玩, 能學到什麼呢? 但在開學一個月後, 學校就安排第一次家長回校參觀, 看到一班3歲小朋友, 個個都好有禮貌, 好精神咁同在坐每一位家長打招呼, 一齊唱歌跳舞, 之後又會同家長一齊唱, 一齊玩下親子遊戲, 原來真係不可看少遊戲學習的威力。之後每個月都差唔多有活動需要回校, 每一次我都滿心歡喜咁去返學，好期待每次都能看到他們認真學習的樣子。

每個月都會有生日會, 該月生日小朋友的父母可出席。初初第一次, 以為只是食下生日蛋糕, 影張相而己, 原來全體師生都會出席,就連家長都需要上台合唱一支歌送比生日的小朋友,最令我感動及驚喜的,是生日的小朋友會上台表演, 著曬特別服飾, 自我介紹, 又會跟著音樂跳舞仲會走位, 當時一刻, 真係感動到眼淚不停流了。

以下是每個月的幼稚園活動：

#5月
–母親參觀日

#6月
– 親子觀劇會
–父親參觀日
–初班親子旅行*動物園, 野餐
–中班及高班旅行*挖蜆, 包2KG 蜆可攞走

#7月
–母親參觀日
–夕涼會(小朋友及家長會著上浴衣, 一齊跳舞, 食西瓜,野外睇影畫戲)
–高班2日1日宿舍
–家長日

#8月
–畢業園兒家長聚會

#9月
–運動會用品幫手日
–運動會
(除了跑步, 接力外, 每班小朋友都會有各項跳舞表演、體操、新體操、組體操等等, 唔單止園兒小朋友, 就連來賓、爸爸、媽媽、袓父母、老師、,未就學的小朋友等等, 都會安排集體遊戲分PART玩, 之後仲有有小禮物派發, 答謝大家參與, 所以不止只是小朋友, 大人細路都會參與, 好開心, 亦慢慢對學校有了歸屬感)

#10月
–萬物會
(萬物會前一天家長要回校幫手清潔同整理好物品,當日家長亦需到各攤位幫手。除了遊戲攤位外, 仲會加插蒸汽小火車比小朋友玩, 還有:食物攤位、答謝品攤位、舊校服攤位、玩具攤位、圖書攤位、手作品攤位、大型物品攤位售賣BB車、BB座椅、枱、椅子、沖涼盤等等,所有新/舊/手作品都是由家長義務捐出, 收回來的費用就會給學做經費。所以話家長真係出心出力哈哈)
–小型動物園
(幼稚園會變身為小型動物園, 當日會有小馬仔, 可供小朋友坐一個小圈, 仲會有牛、羊、雞、兔、白老鼠、松老鼠等等)
–初班/中班旅行*動植物公園
-高班旅行*主題公園

#11月
–親子粘土日( 初班/中班會同小朋友一齊用粘士造出自選造型, 有公仔坐, 有手印相架等等, 初班小朋友自己會做一款動物, 大象或兔仔,中班會是父母的樣子, 全是自己造, 家長同老師都不會幫手, 全考小朋友自己的創造力,高班就是做陶器)
–粘士上色日(親子粘土日後約2星期, 粘士變硬後, 家長就會回校造上色工序)

#12月
–作品展(當日會展示出小朋友在學校全部的作品,不論時平時上堂隨意畫畫的畫外, 仲有好多手工作品等等, 真係估唔到, 小朋友的創意同手工原來可以這麼高水準, 真係大開眼界)
–造年糕大會(現場有大木筒, 由專人親自打做, 小朋友亦有份參與幫手, 仲會新鮮蒸埋比小朋友食, 每人仲會分到5-6舊回家過年)
– 大掃除, 每逄放大假前的一天, 家長都要回校幫手清潔

#2月
–發表會(為3月畢業前的一個大型活動, 第一次參加, 又是爆喊的日子了, 單聽個名字, 仲以為係聽老師講返一年的回顧等等, 原來又係全園小朋友表演的大大大日子, 每班都會表演2-3PART,1PART是有角色的音樂畫劇, 另一PART會是表演樂器, 自我介紹或者跳舞等等, 無論係服飾定道具都令人眼前一亮, 我諗唯一同HK 不一樣的就是, 小朋友不會化上濃濃的妝, 個個亦能保持小朋友天真可愛的一面)
- 參觀日(校學亦會安排一D專業講師, 到校同家長分享育兒資訊, 教家長點樣係家中都能輕鬆愉快咁同小朋友玩,EG 會教家長一齊用音樂用身體去做一些動作等等)
- 畢業旅行

#3月
–家長分享會(3月畢業了, 回校同小朋友一齊玩, 唱下歌玩下集體遊戲, 小不了一定會比一個愛的抱抱同揹揹 ~~)
-畢業禮
-大掃除

大致上一年的活動就是這樣,有好多朋友仔問我, 日本的媽媽不用工作的嗎? 點解咁得閒出席咁多活動? 無錯, 送得小朋友去幼稚園的媽媽, 有9成都不用上班, 有D 可能只返PART TIME, 因為大部分媽媽都生2-3個小朋友, 又不似HK 這樣有家人或者工人姐姐湊, 全部都是自己一手一腳咁湊大, 所以打工絕對不容易。