【自製教材】$10成本自製5個小遊戲

「pom poms」即大小、顏色不一嘅小絨球，平時除咗可用來做勞作外，更可用於不同嘅教材入面。今次為大家介紹嘅幾個小遊戲非常簡單，預備時間一分鐘都唔駛，啱晒我地呢啲早出晚歸、但又想親手落手落腳為小朋友準備教材，為他們發展出一分力嘅家長！

Photo from MamiDaily

呢幾個遊戲由淺入深，除咗可以加強小朋友對顏色、大小及算術嘅認知外，更可強化小肌肉嘅發展。在遊戲過程中，小朋友亦可以促進手指間（特別是拇指與食指）小肌肉訓練、手眼協調、手指操作及座姿訓練等等，為考幼稚園做更好嘅準備！

劍橋爸主動把小絨球放在客廳中嘅玩具盒裏，讓愛麗絲隨時可以自己攞出嚟玩，發揮小宇宙！

遊戲1

材料：不同顏色、大小的絨球一包（購自文具店）、打蛋器

方法：家長先把不同嘅絨球塞進打蛋器裏面，然後叫小孩「用自己的方式」逐一用手攞出黎，然後放到膠盒裏。

遊戲2

材料：絨球一包、樽、小夾子一個

方法：把容器裏不同嘅絨球用小夾子逐一夾進儲奶樽裏面，藉此訓練小朋友的手眼協調、耐性等等⋯

遊戲3

材料：顏色紙、已洗淨嘅雞蛋隔、絨球、小夾子

方法：用不同嘅顏色紙貼到已洗淨的蛋隔，然後叫小朋友逐一將同一顏色嘅絨球夾進蛋隔裏。整個遊戲與上一個大同小異，但由於蛋隔形狀略為不規則，所以這個「加強版」可進一步訓練小朋友的協調、配對等等。

遊戲4

材料：「劍橋爸」已準備好的遊戲範本、絨球

方法：先列印劍橋爸嘅遊戲範本，然後過膠。小朋友可依照咭上相應嘅顏色及小毛蟲後面圓圈嘅數目，將絨球放入毛毛蟲身上。

遊戲5

材料：沒有！

方法：煮飯仔～Self-explanatory，等小朋友自由發揮，把大小不一嘅絨球幻想成各種不同嘅食材，炮製一道道佳餚！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text：愛麗絲與劍橋爸

Photos：愛麗絲與劍橋爸 , MamiDaily

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！