【Party場地】觀塘親子室內派對場地 小朋友玩海洋波波池＋大人玩濕身划艇機

過去嘅聖誕假期我物色咗一啲適合大人小朋友嘅派對場地，實行同班親朋好友一齊歡渡聖誕！最近我哋去咗位於觀塘嘅Party Room，呢度場地夠曬大，而且更有多款遊樂設施！爸爸話啱哂約埋親朋好友一齊去玩！

呢度都有好幾款遊樂設施，包括：巨浪划艇機、超大海洋主題波波池、VR體感遊戲、Atari Pong Table、飛鏢、美式桌球區等⋯而且每間獨立房間均設有Nintendo switch、自動麻將機、卡啦ok同大量board games。

巨浪划艇機：玩法簡單刺激，最多可以6個人一齊玩，每3人一組，玩家分成2組鬥快划艇，限時內最慢嘅一方就有機會被淋，變成落湯雞！

超大海洋主題波波池：以海洋為主題嘅波波池，入面有超靚嘅吊燈同海洋色系波波，仲有一個巨型貝殼型擺設，非常吸睛搶眼，而且更可以著上由場內免費提供嘅美人魚尾服裝，絕對係熱門嘅影相打卡位。

VR體感遊戲：設有多款遊戲可供選擇，遊戲有啱刺激嘅大人玩嘅，亦有簡單任務啱小朋友玩嘅。而且場內引入咗新式嘅VR射擊遊戲，刺激度爆燈！

Atari Pong Table：場內另一大賣點 - 復刻街機遊戲，玩家可以兩人對戰，或可以一個人同電腦對玩。

飛鏢、美式桌球區

仲有其他遊戲好玩又有趣嘅遊戲。

另外呢度每間房都有唔同風格，同埋每間房都有Nintendo switch、自動麻將機、卡啦OK同大量board games，好適合一大班親朋好友一齊玩。

呢間Party Room設有4小時包場套餐，提供食物及飲品任飲，而價錢就視乎返人數多少。基本包房人數為8人以上，而包場則為60人起。12月嗰時收費係$238／4hrs，最新收費可以向職員查詢。

總結：場地夠曬大，而且更有多款遊樂設施，適合大人小朋友嘅派對場地！

=================================

Dreamer

地址：觀塘鴻圖道28號

查詢︰6389 1286

時間：周一至日，24小時營業，需預約

費用︰$188/4小時，大小同價。每位加$20即可任飲場內提供的罐裝飲品。設有4間主題房，包房人數8位起

（以上資料更新至撰文當日）

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：Alfred 成長日記

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！