【親子郊遊】好去處｜大埔農場暨植物園

上星期六我哋選擇咗去細細個已經聽過嘅嘉道理農場。但依家呢個農場嘅規模大咗好多，有海洋公園嘅感覺，但成人入場費只需$30，5歲以下小童及長者免費。在農場入面有很多稀有動物，主要集中係下園區 。我哋見到貓頭鷹、鸚鵡、 火烈鳥、輻射陸龜和鱷魚等等⋯ 由於園區太大，有啲展館我哋都miss咗，大家去之前可以研究定個路線圖， 或者參加園區嘅導賞團，成人$5一位， 園區門口亦有很多友善義工教你如何遊園。 而係每年12月至1月上園區亦有櫻花睇，大家記得留意係嘉道理農場facebook嘅介紹。

係園區正門買入場票嘅時候買埋觀光巴士車車飛，就可以輕輕鬆鬆參觀上園區嘅風光，接駁巴士有五個站，假日同一日任上落。我哋選擇左係第四站-觀音山落車參觀，買飛時記住留意時間表。（車費：成人$10；小童及長者$5 ；5歲以下免費）如果平日嚟嘅話， 觀光巴士會喺每個景點停10-15分鐘給遊人參觀及影相。

觀音山位於大帽山側坡以北，海拔552米高。落車後，行3分鐘已到山頂，繞一圈只需5分鐘，可以遠望大埔、八鄉和錦田一帶。我哋遊覽當天天氣極好， 和肉丸朗在觀音山上面嘅草地玩了很久，影了很多靚相， 係山頂空氣都清新些。

留意整個園區山路、斜路、樓梯比較多，我哋有推BB車，但好多地方要抬起BB車行樓梯先行到。亦可以選擇遊完觀音山後步行回下山區，不過我哋當然坐回觀光車下山啦～

嘉道理農場暨植物園

前往方法：
1/於大埔墟或太和站，轉乘64K巴士往元朗西方向，於嘉道理農場暨植物園門前巴士站下車。
2/於錦上路站，轉乘64K巴士往大埔方向，於嘉道理農場暨植物園巴士站下車。

開放時間：9:30am – 5pm
地址：香港新界大埔林錦公路
入場費:
12-59 歲 $30
5-11歲 $15 /5歲以下
60歲或以上長者及合資格殘疾人士 免費
出發前可參考嘉道理農場網頁：http://www.kfbg.org/chi/index.aspx

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：肉丸朗之快樂日常

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！