【幼稚園面試】面試小分享｜預備資料 + 衣著裝扮

看來各位都好有興趣樂悠媽不專業的面試攻略，既然如此我就弱弱的分享第2 part：面試前資料預備、老師常見問題及戰衣裝扮啦！

Photo from MamiDaily

1）資料預備+老師常見問題

其實同見工面試一樣，你為子女去選擇有關幼稚園，當然要了解幼稚園的教學理念、師資等等⋯⋯面試前請抽點時間，上學校網站了解一下，當面試時老師問起都不至於完全口啞啞

老師常見面試問題（問小朋友）
1.你叫咩名呀？
2.今日邊個同你嚟呀？
3.平時爸爸媽咪放假同你去邊度玩？
4.今日搭咩車／點樣嚟呢度㗎？
5.平時響屋企你會做咩㗎？

同時，老師亦會問家長問題，大家有興趣問咩同點答，我可以不專業分享下！

2）戰衣裝扮
關於戰衣，家長小朋友都要留意～

先講講小朋友：其實小朋友只要著得斯文，以粉色系為主，不要過於沉色（例如黑色）。小朋友活潑可愛，穿著乾淨清新又帶點莊重感的服飾，就能帶給老師一個好印象。切忌穿著有卡通公仔圖案的服飾，亦不需花枝招展，簡簡單單舒服就是最好，小朋友著得舒服才會有好表現啊！

男生：建議小西裝配白波鞋
女生：簡單One Piece連身裙（圖案不要太花，緊記：簡單就好）

再談家長：家長方面更簡單，簡潔低調、Business Casual。爸爸恤衫黑牛配波鞋，媽媽純色連身裙，爸媽可選深色一點顏色以加重莊重感，亦可選擇一家人著同一色系一起面試，令老師覺得你們是有準備才來也好。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：樂。悠。媽咪

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！