揀啱一個適合嘅奶樽對BB身心發展真係好重要

要揀一個好奶樽真係好重要，好多媽媽都話奶樽要夾BB，最好買多幾個唔同牌子嘅奶樽旁身，等BB自己揀。

Lina 出世之前我都預備左三款唔同品牌嘅奶樽，經過三個月嘅測試後我想同大家分享呢款Lina至愛嘅奶樽— Chu Chu。

我買奶樽之前都有做足功課，首先奶樽一定唔可以用PP物料製造, 因為受熱溫度及耐用度比較低。另外要有防脹氣功能，BB飲奶時好易入風，太多風就會引起腸絞痛，同埋需要更長時間掃風。最後就係奶咀滴奶情況，如果滴得太快BB容易濁親，滴得太慢BB要好用力去吮，會飲得好辛苦。

Chu Chu 奶樽係日本傳統品牌，黃色樽身加企鵝logo係品牌嘅signature。最近發現Chu Chu推出左新設計，樽身用上柔和嘅顏色，而奶嘴就有分標準同闊身口徑，兩款奶嘴都以模仿媽媽乳頭嘅感覺，令BB更有親切感。加上獨家Super Cross Cut 設計，會根據BB吸力自然調節流量，即係BB唔吸吮時就唔會出奶，避免濁親，媽媽就更放心。而我最鐘意Chu Chu奶嘴無分大、中、小碼，任何年齡嘅BB都啱用，媽媽就唔洗煩惱幾時幫BB換奶嘴啦。

Lina 之前用另外兩款品牌嘅奶樽飲奶時都會喊同發脾氣，令我每次餵奶時都覺得好大壓力。但轉用左奶樽後BB每次都飲得好暢順同好少嘔奶。揀啱一個適合嘅奶樽對BB身心發展真係好重要，而媽媽亦可以享受餵奶嘅樂趣。
Follow Me -->
IG
facebook

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Text & Photos ：混血小B媽媽 Bonnie.K

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！