【Me Time】媽媽一定好好善待自己｜3個我最喜愛的Me Time活動分享

做左媽媽之後，真係成副心機放晒去BB到，好多時都放棄埋自己鐘意做既事。就算有Me Time，個心都會羅羅攣，成日都會想快啲趕返返屋企見下BB，搞到連私人時間都唔可以好好享受⋯⋯ 直到最近，個人壓力真係大左好多，忍唔住逼自己做返啲可以放鬆心情既事，有時耐無自己私人時間，都唔知Me Time做咩好，所以我都想分享一下我平時既減壓方法～等媽媽們可以試下！

1. 整甜品

最近都好流行翻糖蛋糕／曲奇，成品出到黎多數都會好靚好治療，所以我有時都會mon住間烘焙店幾時有workshop，就會即刻報名去整下餅，環境靚、整既過程又會好開心，心情自然都會relax啲！

成品出到黎仲好可愛添！望住都會覺得Relax！

2. Calligraphy 西洋書法

唔知呢到多唔多媽媽都鐘意寫字呢？我本身就無咩呢方面天份，但成日都有上網睇大寫字，每次睇個人都會好放鬆好有被治癮既效果，所以都的起心肝去學下寫字！

學寫字可以令個人學識放慢腳步，唔可以太心急～對於我成日湊到繃緊狀態非常有幫助！最近我係到學緊寫西洋書法，老師教完我個字點寫，自己慢慢練，練到真係似模似樣個下，真係好開心同好興奮架！

（練寫都不忘寫個女既名）

3. 做運動

我明白做左媽媽之後，真係連做運動既時間都未必抽到（我都一樣）

但我都盡量試下一星期做一兩次帶氧運動／上YouTube做下啲瘦身操，盡量等自己郁下同出身汗，做得多運動個人都真係會正面架！身型靚啲，個人又會有自信啲！

希望大家都可以建立到自己既Me Time活動，照顧小朋友唔容易，所以都要對自己好啲～自己開心，湊小朋友先會有更大既力量！媽媽們，一齊努力！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：90後P牌媽咪

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！