BB聽覺好特別？呢5種聲音係佢哋最愛！

啱啱嚟到呢個世界嘅BB，原來已經有自己嘅喜好～ 有時BB喊極都唔收聲，爸爸媽媽點?佢哋都唔肯停，不妨畀佢哋聽吓以下5種佢哋最鍾意嘅聲音，好大機會安撫到佢哋㗎！

Photo from MamiDaily

1. 心跳聲
有研究發現，BB仲係胎兒嘅時候，最先聽到嘅聲音就係媽媽嘅心跳聲胎埋羊水流動嘅聲音。媽媽喺靜止嘅時候，每分鐘大概60下，聽住呢種有節奏嘅聲音可以令BB感到安心，因此媽媽抱住佢哋時，不妨多靠近心臟～ BB會慢慢安靜落嚟。

2. 流水聲
羊水嘅聲音有指同我哋係水中閉氣聽到嘅聲音差唔多，因此BB對一啲流水聲音特別有感覺，喺BB哭鬧時，媽媽睇吓有冇幫助！

Photo from MamiDaily

3. 媽媽嘅聲音
可能因為喺肚入面長達10個月，BB經常聽到媽媽嘅聲音，因此出世後聽到熟悉嘅聲音下意識都會表現得親近啲！BB聽到媽媽好溫柔咁同自己就最開心～

4. 風筒聲、吸塵聲
有指BB喺媽媽肚入面聽到嘅聲音同風筒、吸塵機發出嘅聲音好似，BB聽到呢啲轟轟聲唔止好有熟悉感，仲極有安全感，好似仲喺子宮入面有羊水保護住佢哋咁！

Photo from MamiDaily

5. 電視聲
大人喺屋企開住電視，有時唔係為咗睇電視，只係為咗有啲聲聽吓。大人係唔會留意究竟播緊啲咩，反而BB就好容易留意到呢啲電視聲，仲好易被吸引到！

Text：Mami Editorial