準媽媽注意!懷孕期間要飲呢款嬰兒大腦發展恩物?

準媽媽注意!懷孕期間要飲呢款嬰兒大腦發展恩物?

孕媽Daily
ByCircle on 28 Aug 2019 Digital Editor

做媽媽緊係想將最好嘅嘢畀BB啦,因此喺懷孕期間都會多注意飲食,為胎兒吸收最多最好嘅營養!近日一項研究指出,準媽媽喺懷孕期間多飲石榴汁,有助BB大腦發育!

MamiDaily
Photo from MamiDaily

呢項由哈佛醫學院附屬布萊根婦女醫院(Brigham and Women's Hospital)負責、發表喺醫學期刊《PLOS One》嘅研究,搵咗78個喺24-43週被診斷出胎兒宮內生長受限(Intrauterine Growth Restriction;IUGU)嘅孕婦參與。喺IUGU嘅情況下,胎兒同預期生長速度不符,嚴重或會導致BB出現呼吸困難、心臟或血管等問題。

研究人員安排咗一部份參加孕婦,每日飲用8安士石榴汁,而其他參加者就獲分配味道及卡路里都一樣嘅飲品,然後再分析兩組參加者BB嘅大腦宏觀結構、微觀結構組織同連接能力。

廣告
廣告

MamiDaily
Photo from MamiDaily

結果發現,胎兒大腦嘅整體結構冇任何差別,但係媽媽有飲石榴汁嘅BB喺白質(White Matter)結構上嘅發展更好,同時佢哋嘅大腦連接能力亦較好!研究團隊認為原因係石榴汁中嘅其中一種成份-多酚(Polyphenols),有效改善認知功能,能夠保護大腦。

各位準媽媽嘅身體情況都唔一樣,以上資訊未必適用於所有人,對飲食營養、身體調理有任何疑問,請向醫生查詢。

Text:Mami Editorial

Share to Facebook