父母有限期？好好珍惜小朋友讀書前嘅相處時光！

上星期唔少幼稚園學生都開始返學啦，唔知各位媽媽有咩感受呢？好感觸，仔女原來已經大個啦；好開心，終於有自己嘅私人時間啦；好唔捨得，原來孩子要離開自己啦！小朋友開始讀書，做媽媽最唔習慣嘅事情一定係唔慣身邊冇咗個人仔日嘈夜嘈⋯

Photo from MamiDaily

1. 相處時間少咗
仔女未返學之前，基本上所有時間都係埋一齊，每日起身第一眼都係見到佢哋！就算去洗手間、出去買餸，都一定係糖黐豆！佢哋返學之後，有好長時間唔喺屋企，相處嘅時間急降，嗚～好掛住阿B啊！

2. 有自己嘅圈子
小朋友入讀幼稚園，係離開父母嘅第一步。佢哋會喺學校識到佢哋第一班嘅朋友，慢慢有自己嘅圈子，父母嘅地位都慢慢下降。佢哋同朋友仔傾心事都容易啲開口，仔女身上嘅秘密都會愈嚟愈多⋯ 嗚！好唔捨得啊！

Photo from MamiDaily

3. 拖手機會下降
仔大仔世界，小朋友大大吓就唔肯同爸爸媽媽拖手行，求佢哋都唔得，好有性格！而讀幼稚園亦令佢哋意識到自己已經原來大個仔大個女，唔好話拖手，抱抱同錫錫都可能唔肯了！嗚嗚⋯⋯

4. 有點空虛
仔女頭幾日返學都會唔捨得離開自己，喊住攬實自己，被孩子需要嘅感覺真好！不過過咗幾日之後，當佢哋喺學校識到啲新朋友，一齊玩一齊食茶點一點瞓覺⋯⋯ 漸漸就忘記咗之前日日夜夜陪住自己嘅爸爸媽媽，嗚！真係好空虛啊！

Photo from MamiDaily

Text：Mami Editorial