嫌老公過份寵愛 人妻壓力大提出離婚

夫妻間發生執爭吵架，確實在所難免。甚至有人會因為太多爭拗，導致離婚收場。不過，喺阿聯酋就有一名婦人因為老公太愛自己，結婚後從未發生過爭執，而決定向法院申請離婚。

人妻Fujairah向法院申請離婚，原因係老公過度寵愛自己，令佢覺得好大壓力，每日都活喺地獄一樣。Fujairah指，自結婚後，老公都非常貼心，對佢無微不至。除咗會主動做家務、經常送禮物畀佢，仲對佢言聽計從。

Photo from MamiDaily

有次Fujairah話老公太肥，結果老公第二日即刻開始做運動減肥，最後更不小心導致骨折。Fujairah表示，兩夫妻從未試過發生爭執，老公對自己總係給予無限包容，寵愛非常，令佢覺得好大壓力、好困擾，直言每日都好似活喺地獄一樣。

Photo from MamiDaily

Fujairah又謂，最想得到嘅並唔係老公千依百順，而係夫妻間真正嘅對話：「我渴望有一日可以有爭吵，不過對我老公嚟講，似乎冇可能。」而對於Fujairah執意離婚，Fujairah老公無奈地表示：「實在太唔公平，我哋先結咗婚1年，咁快就否定我。」惟Fujairah心意已決，最後法院要求兩人自行和解。

Text：Mami Editorial