媽媽食葉酸為BB健康做準備 但食得多就是好?

媽媽食葉酸為BB健康做準備 但食得多就是好?

孕媽Daily
Byrace.cheng on 30 Aug 2019

「養兒100歲,長憂99」,但現今媽媽又怎能只在BB出世後才開始憂慮?就連懷孕前,都要為BB健康擔心。要預早令BB可以健康成長,很多媽媽都會在懷孕前同初期,服用葉酸補充劑,但究竟有什麼效用?服用時間是怎樣?服用後會否有副作用呢?現在即為媽媽們拆解疑團!

1) 葉酸對孕媽媽同BB有什麼好處?

葉酸其中一個功能就是製造細胞和紅血球,有助預防孕婦貧血同減低懷孕期間的不適。加拿大註冊營養師陸蕙華指,攝取足夠葉酸,有助減低早產機會同BB出現神經管缺陷機會,例如,先天腦部及脊椎發育異常的問題。另外,有研究指出,攝取足夠葉酸可減低患上ASD(自閉症譜系障礙)機會,但仍然需要更多研究證據支持葉酸與自閉症關係。

mamiDaily
Photo from mamiDaily

2) 幾時開始食葉酸?每日攝取份量又係幾多?

衛生處建議一般婦女在計劃懷孕至懷孕初期每日應攝取至少400mg葉酸補充劑;懷孕中後期和哺乳期間,建議多吃含豐富葉酸的食物(亦可服用含葉酸的補充劑)。但營養師提醒,由補充劑所攝取的葉酸每日上限不應該超過1000mg,除非有醫生的特別指引。

廣告
廣告

3) 攝取太多葉酸會有害?

雖然葉酸對媽媽身體同BB發育都有好大益處,但營養師指,如果透過補充品攝取大量葉酸,有機會掩蓋維他命B12缺乏症病徵,缺乏維他命B12嚴重會導致大腦、脊隨和神經的永久性傷害;另外,亦有資料提及,若攝取過多葉酸,或會增加患上癌症嘅機會,例如大腸癌。

mamiDaily
Photo from mamiDaily

4)可以從日常飲食攝取葉酸嗎?
平時都可以從飲食攝取。營養師指,可以從深綠色綠葉蔬菜、水果、花生果仁或乾豆類,同埋一啲添加葉酸嘅早餐穀麥片攝取葉酸。

Text:mamiDaily
Sources:香港營養師協會認可營養師陸蕙華 & 香港家庭計劃指導會

Share to Facebook