BB人仔細細 估唔到咁正義！

自從有咗BB後，經常都讚嘆生命真係好神奇！成日都諗點解BB會識呢啲、嗰啲，又會諗點解佢望吓其他人就識模仿人哋做緊咩～ 原來有啲嘢真係與生俱來㗎！一項美國研究指出，原來BB人細仔仔已經識分是非善惡⋯⋯

Photo from MamiDaily

呢項由美國耶魯大學嬰兒認知中心負責嘅研究，佢哋搵咗一啲由6個月至1歲左右嘅BB進行實驗。研究人員畀BB睇3段由幾何圖形整成嘅動畫，分辨幫助別人嘅行為！研究人員跟住BB嘅專注程度，重複播放同一段影片6至14次。

其中一段影片係關於：有一個貼住眼睛嘅紅色圓形想爬上一個小山丘，及段分別會有一個黃色嘅正方形幫助佢同綠色三角形阻止佢。結果顯示，有80%嘅BB都揀作為黃色正方形嘅好人，研究人員喺另外兩段影片亦得到同樣結果！

Photo from MamiDaily

另外兩段影片嘅情境大致差唔多，一隻狗狗想打開箱子，其中一隻熊仔就協助佢，另一隻則坐喺箱上面；BB們睇咗呢段片6次以上之後，都會揀樂於助人嘅熊仔！

Photo from MamiDaily

負責研究嘅教授指出，又多一項證據顯示人類嘅道德觀其實係與生俱來。雖然BB未能用語言表達自己，不過佢哋會根據觀察明辨是非黑白，表達佢哋鍾意或者討厭。

Text：Mami Editoiral