小朋友太早學寫字 影響或極深遠！

好多家長都想小朋友贏在起跑線，早啲入學、早啲學講嘢、早啲上興趣班⋯⋯ 所有可以提早做嘅事都一一提早進行，想佢哋學多啲又唔會輸蝕。不過學還學，原來小朋友太早學寫字對佢哋嘅壞影響有好多，所以如果未到適齡時候，就唔好咁快畀佢揸筆寫字住啊！

Photo from MamiDaily

1. 過度疲勞
寫字需要用眼睛、手部同腦部協調，加埋文字有唔同筆順、結構，呢個繁複嘅過程必定需要一定時間同精神，而對於一個小朋友嚟講絕對係一個負荷，太早學寫字會令佢哋疲勞過度，繼而佢哋嘅日常生活。

2. 影響手部肌肉
寫字主要使用手指小肌肉、指骨周埋關節協調。由於手指小肌肉比較遲先開始發展，小朋友需要更用力咁拎住枝筆嚟寫字，因此小朋友太早以及長時間練字嘅話，有機會傷及手部肌肉。

Photo from MamiDaily

3. 脊柱發展
小朋友都鍾意四周跑跑跳跳，要佢哋安安靜靜坐喺度練習寫字絕對係一件好困難嘅事～ 當佢哋要長時間練習寫字，需要坐喺度，而人仔細細嘅佢哋難以保持最正確嘅坐姿，從而有機會影響脊柱正常發展。

4. 執筆手勢
寫字最重要嘅係執筆手勢！小朋友太細個未能掌握正確嘅手勢，但由於過早開始寫字，寫慣咗後難以撥亂反正。

Photo from MamiDaily

5. 挫敗感
由於文字嘅結構、筆順、線條等都較為複習，對於一個未認到字嘅小朋友嚟講絕對好吃力。加上有時家長眼見小朋友寫咁耐都寫唔到，意氣之下可能忍唔住鬧佢，咁樣會令小朋友好有挫敗感，仲會令佢哋好驚，分分鐘以後都唔想寫字啊！

小朋友幾歲開始學寫字先啱呢？
根據教育局嘅《幼稚園教育課程指引》指出，執筆寫字需配合幼兒身體嘅發展情況，學校不應要求幼兒班嘅兒童執筆寫字。小朋友喺幼稚園應該先學習點樣畫簡單嘅直線、曲線，然後再循序漸進學地學寫筆劃教簡單嘅字，如上下、大小等。

Photo from MamiDaily

Text：Mami Editorial