【必學】改善產後肚皮鬆弛 4大方法

唔少媽媽生完BB後，除咗要面對妊娠紋外，更出現肚皮鬆弛嘅問題。由於懷孕期間肚部大幅度擴張，產後肚皮會變得鬆弛，想要回復產前嘅身材都並不是容易事。今次同大家分享幾個收緊肚皮的方法。

Photo from MamiDaily

1. 餵哺母乳

餵哺母乳能夠消耗大量卡路里，令媽媽瘦得更快，減少皮下脂肪積聚，加快回復產前的身材。另外，喺餵哺母乳期間，當BB吸吮媽媽乳頭時，能促進子宮收縮，有助促進子宮回復原來的狀態。

Photo from MamiDaily

2. 按摩

順產嘅媽媽可以喺產後多按摩肚皮，能夠促進血液循環，令子宮加快收縮及排出惡露。

Photo from MamiDaily

3. 多吃蛋白質食物

媽媽可以食多啲蛋白質食物，例如瘦肉、蛋、魚類等。因蛋白質可以幫助肌肉增長，而且含有膠原蛋白，可以改善肌膚鬆弛、令皮膚回復彈性。

Photo from MamiDaily

4. 適量運動

適量運動可以消耗多餘嘅脂肪，生產後可以先做一啲簡單運動，如散步、瑜珈等，等身體慢慢適應。直至身體復原後，媽媽可以開始進行一啲針對腹部肌肉嘅運動，如仰卧起坐、空中踏單車等，鍛煉腹部肌肉。

Text：Mami Editorial