10個月大女嬰 平躺飲奶窒息死亡

一名10個月大嘅女嬰，平躺喺床上喝奶後，因溢奶嗆入呼吸道，導致窒息死亡。檢察人員以過失致死罪起訴照顧女嬰嘅保母。

台中一名張姓保母，受託照顧一名10個月大嘅女嬰。今年2月12日上午8點幾，佢將女嬰平躺喺床上，任由女嬰自行飲奶，然後去照顧其他嬰兒。當時女嬰發出異常大聲嘅呼吸聲音，張保母嘅老公聽到後，就提醒佢，但佢未有即時去視察女嬰嘅狀況。

Photo from MamiDaily

直至10點50分左右，張保母走入房間，就發現女嬰全身冰冷，失去呼吸心跳，送院後宣告不治。解剖後，確認女嬰因為溢奶窒息致死。張保母承認自己疏忽照顧，偷懶將女嬰平躺喺床上喝奶，而且未有為女嬰掃風就畀佢瞓覺，導致溢奶嗆入呼吸道而窒息。

Photo from MamiDaily

檢察官指，張保母應以半坐臥嘅方式飲女嬰飲奶，避免女嬰直接平躺，減少嗆奶風險。另外亦應近距離看顧女嬰，因此認為張保母疏忽照顧，以過失致死罪將佢起訴。

Text：Mami Editorial