5歲女童手臂捲入電梯 皮膚撕裂！內附搭電梯注意事項

日前，湖北孝感市一名5歲女童喺商場搭扶手電梯時，因為未有及時將手拎起，以致左手被捲入扶手電梯內。女童不停大哭，引起唔少市民注意及圍觀。有市民馬上撳停電梯，並幫忙報警。而當時其中一名女子見到女童嘅身體彎曲，馬上向女童家長表示要將女童平躺，避免佢全身受力加重，令手臂傷勢更為嚴重。

Photo from MamiDaily

消房員到場後，本來打算用剪擴器及砂輪機將整個面板切掉，但因為女童需承受太大痛楚，所以決定將扶手電梯檔板拆開，再將女童手臂抽出。女童隨即被送往醫院，經診斷後，女童手臂皮膚撕裂，並有肌肉挫傷，傷口已進行縫合，目前正留院觀察。

Photo from MamiDaily

扶手電梯意外頻生，家長絕對不能掉以輕心。即刻睇睇乘搭扶手電梯注要事項！

1. 最緊要緊握扶手，仲要企定定喺梯級黃線之內。

2. 切勿將身體伸出扶手以外。

3. 切勿在扶手電梯止亂跑及嬉戲。

4. 使用嬰兒車時應避免乘搭扶手電梯，如有需要，應將BB車摺起及抱緊BB。

5. 有帶雨傘嘅話，就記住拎起佢，唔好插喺梯級面嘅槽坑入面或者梯級之間嘅空隙度。

6. 媽媽們如果著長裙嘅話，就要特別小心裙邊被梯級之間或者旁板同梯級之間嘅空隙夾住。

7. 如果著膠底布鞋、拖鞋或涼鞋嘅話嘅話，一定要加倍留意梯級之間或者旁板同梯級之間嘅空隙，唔係鞋子同腳趾都有被夾住嘅危險。

8. 只可在緊急情況下使用緊急按鈕，平時不得亂按該掣。

9. 出入扶手電梯時，應提起腳步，否則容易失重心跌倒，鞋子前端亦容易被夾住。

10. 小朋友切忌單獨乘搭電梯，記住要搵大人陪同先搭。

Text：Mami Editorial