乖女食提子意外窒息 媽媽內疚：人生幾乎徹底改變

小朋友冇時停，喺屋企扎扎跳容易發生意外。加埋有時食緊嘢又周圍走，好大機會會造成致仲意外。早前一個英國小妹妹就因為一粒提子，差啲失去寶貴嘅生命⋯

Photo from MamiDaily

據英國媒體《鏡報》，一個當地育有一對子女嘅媽媽喺社交平台分享呢件事。媽媽指由佢知道曾經有小朋友死於食葡萄後，每一次都會將佢哋切開一半先畀小朋友食，今次係佢第一次冇咁做，表示自己真係做咗一件極錯嘅事。

Photo from MamiDaily

當日佢整咗一啲小食畀佢哋，入面有提子同埋穀類食品。5歲嘅囡囡當時拎住佢嘅食物，同哥哥一齊行上樓梯，而媽媽本人因急於打掃屋企就留喺地下嗰層。當囡囡行到上樓之際，媽媽聽到佢嘅慘叫聲，馬上跑去救人！佢發現囡囡無法呼吸，而嘴唇亦因窒息而發紫，好彩最後有人幫手先救得返呢個小妹妹咋！

各位爸爸媽媽都要學定幾招急救旁身，以下為《衞生署》嘅BB及兒童骾喉急救須知：

2歲以上兒童骾喉急救
步驟1. 如果孩子清醒，鼓勵他嘗試咳出異物，然後張開口部檢查，並嘗試取出口腔內鬆脫的異物。

步驟2. 如不成功，可讓孩子向前彎，使頭部低於肺部，用掌根拍打其背部（肩胛骨之間）5次，以協助他咳出阻塞物。

步驟3. 完成後，立刻檢查口腔，看看異物是否已鬆脫。假如異物仍哽塞氣道，可轉用環抱推腹法：站在孩子背後，一手握拳，虎口向內，並放於他腹部肚臍之上；另一隻手則握住該拳，並迅速向內 及向上擠壓孩子腹部五次。

步驟4. 完成後，立即檢查口腔，把已咳出的異物除去。如不成功，可重覆步驟2及3，直至異物咳出為止。

步驟5. 假如孩子不省人事及心肺功能停頓，應立即施行心 肺復蘇法，並從速召援，將孩子送院治理。

步驟6. 當阻塞物被取出，而孩子的呼吸又恢復正常，則可 把他置於復原臥式，並安排入院治療。

Photo from MamiDaily

BB骾喉急救
步驟1. 將嬰兒俯伏在你的前臂上，使其頭部向下。然後用大腿承托前臂及嬰兒，用另一隻掌根連續拍擊其背部（肩胛骨之間）5次。

步驟2. 不成功的話，將嬰兒身體翻轉。在胸部快速壓5次。（手法與嬰兒心肺復蘇法相同，用兩隻手指放在乳線和胸骨的十字連線下）。

註：內文圖片為示意圖，非涉事人。

Text：Mami Editorial