BB睡覺出汗原因+解決方法

BB瞓覺時經常滿頭大汗，明明已經開咗冷氣，又唔係著好多衫，係咪因為BB生病？今次就同大家分享幾個BB出汗嘅原因，以及解決方法。

Photo from MamiDaily

BB瞓覺出汗原因：

1. 喺中醫角度，小朋友係「純陽之體」，正值發育時期，各方面迅速發展，新陳代謝比較旺盛。相比起成年人，更加容易出汗。

2. 小朋友睡前可能進行了劇烈活動。當運動量大，小朋友體內就會有大量熱量，喺靜止落嚟，即睡覺時，身體就會出汗，將多餘嘅熱量排走，令身體維持喺正常嘅體溫。

3. 小朋友進食不久後便入睡。由於進食後會增加胃腸蠕動以及胃液分泌，汗腺分泌亦都會因此增加。

4. 入睡時穿著過多衣物或過量蓋被。小朋友只有透過出汗，以排出體內的熱量，保持正常體溫。

解決BB瞓覺出汗問題：

Photo from MamiDaily

1. 控制室內溫度。過往曾經有不少因溫度太高，以致嬰兒有生命危險的個案出現。家長應確保室內溫度維持於24至26度左右，以及避免被陽光直接照射小朋友。

2. 穿著全棉衣服，較容易索汗。

3. 定時為小朋友抹汗，因小朋友皮膚非常幼嫩，如果汗液長時間積聚喺皮膚褶皺位置，如頸部、手臂、股溝等，可能會導致汗疹或皮膚炎。

4. 出汗過多，會令小朋友口舌乾燥，甚至出現水液失衡問題。家長應及時為小朋友補充水分。

Text：Mami Editorial