大寶呷醋？4招令孩子接受弟妹

當媽媽懷上第二胎時，大寶可能會呷醋，經常莫名其妙地發脾氣、行為退化等。其實呢啲情況非常常見，家長不需過份擔心。只係因為小朋友失去安全感，害怕被忽視先會咁。其實父母係可以避免依啲情況發生的。

Photo from MamiDaily

1. 向大寶預告

當媽媽有咗第二胎後，應不時向大寶表示二寶快將來臨，「一齊迎接弟妹嘅來臨」、「弟妹好快就可以陪你一齊玩」等。另外，媽媽進行產檢時，亦可帶埋大寶一齊去，畀佢透過超聲波睇到弟妹，滿足大寶嘅好奇心。

2. 增加親密接觸

雖然媽媽喺陀B時，特別易累。不過都要抽多啲時間陪大寶，同佢傾計、互動，甚至多啲親吻及擁抱大寶，呢啲小小嘅舉動都可以畀到安全感大寶，令佢哋感到被重視。

Photo from MamiDaily

3. 一齊照顧二寶

父母可以多向大寶表示，因長大了，所以即將要成為「哥哥、姐姐」，要幫忙照顧弟妹，令佢哋知道自己有責任愛錫弟妹。父母可以與大寶一起準備二寶嘅初生用品、二寶出世後，可叫大寶一齊參與餵奶、換片等，慢慢幫助他們建立感情。

Photo from MamiDaily

4. 大寶專屬時間

雖然二寶出世後，父母肯定忙到連瞓覺時間都冇。不過就算幾忙幾攰都好，都要每日抽出一啲時間陪大寶，等佢哋知道父母並唔係只顧二寶，自己並冇因為二寶嘅出現而被忽視。

Text：Mami Editorial