4大方法 紓緩BB流鼻水

BB抵抗力差，特別容易病。感冒流鼻水都係常見嘅症狀。另外，若空氣中粉塵較多、濕度高或溫差大，都有機會令BB流鼻水。而BB鼻腔比較狹窄，只要稍微有啲分泌物，BB就會感到唔舒服。今次為大家分享幾個有助紓緩BB流鼻水嘅方法。

Photo from MamiDaily

1. 熱敷

可用熱水整濕毛巾，然後放喺BB鼻子上，進行熱敷。如果發現BB鼻孔內有鼻屎，可以先用棉花棒沾水清潔，過程要保持動作溫柔。當鼻黏膜收縮後，鼻水就會更易流出，令鼻腔變得暢通。

2. 蒸臉

畀BB靠近蒸臉器，當蒸臉器開啟後，BB可以透過吸入蒸氣，濕潤鼻腔，令鼻水、鼻涕順利排出。家長記住唔好畀BB太過接近蒸臉器，另外亦可以喺過程中播放動畫或音樂，令BB變得雀躍興奮，從而增加呼吸量。

3. 清理鼻涕

當BB呼吸困難，或呼吸時有水聲，家長可用吸鼻器幫BB吸出鼻涕。使用的時候，應同時按住BB另一邊鼻孔，會較為有效。

Photo from MamiDaily

4. 浸腳

臨瞓前用熱水為BB浸腳，有助促進BB體內血液循環。另外，亦可於水中加入幾片生薑，促使毛孔張開，有祛風驅寒的作用。家長要留意水溫，不宜使用溫度過高嘅水，而水溫下降後，亦應保持換水，避免BB著涼。

Text：Mami Editorial